काेराेनाकाे कारण मृत्यु भएकाे ३८व्यपारीकाे वडा सिल गरियाे

कोरोनाका कारणले मृत्यु भएका धनुषाको शहिदनगर नगरपालिका वडा नंं ८ डुमरीया बजारमा व्यापार गर्दै आएका वर्ष ३८ का व्यापारीको कोरोनाका कारणले मृत्यु भएकाले आज विहान देखि डुमरीया बजार सिल गरिएको छ ।
कोरोनाको लक्षण सहित प्रादेशिक अस्पतालमा भर्ना भएका उनलाई भेन्टिलेटरको अभावले राख्न नसकेका कारणले मृत्यु भएको पुष्टि भएपछि नगर संक्रमण नियन्त्रण व्यवस्थापन समितिको वैठकले उक्त बजार सिल गर्ने निर्णय गरेको छ ।
साथै मृतकको सम्पर्कमा रहेका व्यक्ति तथा परिवारलाई पाँच दिनसम्म घर बाहिर ननिष्कनका लागि आग्रह सहित गर्ने निर्णय गरेको छ ।
नगरपालिकाका प्रमुख उदय बरबरीया यादवको अध्यक्षतामा बसेको वैठकले डुमरीया बजार तथा मृतककोे सम्पर्कमा रहेकाहरुको कन्ट्राक्ट्रेसिङ्ग गर्ने र त्यसका लागि १ सय थान भिटिएम तत्कालका लागि सम्बन्धित निकायसंग माग गर्ने निर्णय भएको छ ।
यसै गरि नगरपालिकामा संक्रमण फैलिन नदिनका लागि आज लाग्ने हटिया बजार लाग्न नदिने निर्णय भएको छ । सवै सुरक्षा निकायहरुको उपस्थितिमा भएको वैठकले नगरपालिकाको वडा नंं ८ को सवै कामकाज १ साताको लागि बन्द गर्ने निर्णय गरेको छ ।
तर स्वास्थ्य सहित अत्यावश्यक कामकाज अगाडी बढाउने निर्णय भएको नगरप्रमुख उदय बरबरीयाले जानकारी दिनु भयो ।
यसै गरि परीक्षण नभएसम्मका लागि वडा नंं ८ का सवै जनालाई होम क्वारेन्टाईनमा वस्नका लागि आग्रह गर्दै उक्त वडामा १ सय व्यक्तिको कोरोना परीक्षण गर्न आवश्यक रहेको महशुस गर्दै आवश्यक स्वास्थ्य सामाग्रीको व्यवस्थापनका लागि जिल्ला तथा प्रदेश सरकारसंग माग गर्ने निर्णय भएको छ ।
कोरोनाका संक्रमणले मृत्यु भएका यूवालाई मुटु रोगको समस्या रहनुका साथै निजले लकडाउनको अवधिमा सामान खरिद गर्नका लागि भारतको सीमावर्ती बजारमा गएको देखिएकाले सीमानामा थप कडाई गर्ने निर्णय गरिएको छ ।
साथै नगरक्षेत्रमा आवश्यक सुरक्षा सावधानी अपनाउनका लागि प्रचार प्रसारमा जोड दिनुका साथै भारतमा कसैलाई पनि जान नदिने र आउने माथि पनि कडा निगरानी गर्ने निर्णय भएको छ । सभार रेडियाे नेपाल