महोत्तरी । महोत्तरीको जलेश्वर नगरपालिका–१ स्थित महादेव मन्दिर परिसरमा एक पुरुषको शव फेला परेको छ।
मन्दिरको शौचालय जाने बाटोमा करिब ५५ देखि ६० वर्ष उमेरका देखिने एक पुरुषको शव फेला परेको हो।
शव देखेपछि स्थानीयले घटनाबारे सम्बन्धित निकायलाई जानकारी गराएका थिए। घटनाको खबर पाएलगत्तै प्रहरी टोली घटनास्थल पुगेर आवश्यक अनुसन्धान तथा कानुनी प्रक्रिया अघि बढाउने तयारी गरेको जनाइएको छ।
हालसम्म मृतकको पहिचान खुल्न सकेको छैन। उनको मृत्युको कारणसमेत पत्ता लाग्न बाँकी रहेको छ।
घटनाबारे थप विवरण आउन बाँकी रहेको छ। प्रहरीले अनुसन्धानपछि घटनाको वास्तविकता खुल्ने अपेक्षा गरिएको छ।







