महोत्तरी। महोत्तरीको मनराशिसवा नगरपालिकाका नगरप्रमुख दिलिप कुमार पाण्डेयसँग पालिकाको समग्र विकास, आगामी स्थानीय तहको निर्वाचन तथा ‘हुंकार मधेस अभियान’का विषयमा छलफल भएको छ।
छलफलका क्रममा नगरपालिकाभित्र शिक्षा, स्वास्थ्य, कृषि, सडक तथा पूर्वाधारलगायतका क्षेत्रमा भएका विकास निर्माणका काम, उपलब्धि र आगामी दिनमा गर्नुपर्ने सुधारका विषयमा विस्तृत कुराकानी भएको जनाइएको छ।
त्यसैगरी, आगामी स्थानीय तहको निर्वाचनको राजनीतिक अवस्था, जनताको अपेक्षा तथा स्थानीय तहको विकास र समृद्धिका लागि चाल्नुपर्ने कदमबारे समेत विचार आदानप्रदान भएको बताइएको छ।
‘हुंकार मधेस अभियान’लाई प्रभावकारी रूपमा अगाडि बढाउने, मधेसका जनताको हकहित, अधिकार, विकास र समृद्धिका सवाललाई प्राथमिकतामा राख्ने विषयमा पनि छलफल केन्द्रित रहेको जनाइएको छ।
हुंकार मधेस अभियानका केन्द्रीय संयोजक रामकुमार शर्माले भेटघाट तथा छलफलका क्रममा उठेका विषयबारे जानकारी गराउँदै स्थानीय विकास र मधेसको समग्र हितका लागि यस्ता संवाद तथा भेटघाटले महत्वपूर्ण भूमिका खेल्ने विश्वास व्यक्त गरेका छन्।







