Advertisement
ताजा खबर
स्थानीय तहको निर्वाचन वैशाखमा, प्रदेशसभा निर्वाचन मंसिरमा गर्ने निर्वाचन आयोगको प्रस्ताव फुटपाथमै व्यवसाय गर्न पाउनुपर्ने माग गर्दै व्यापारीहरू आन्दोलनमा मधेशमा नयाँ सरकार गठन अन्योलमा, एमालेसँग सहकार्य नगर्ने जसपा नेपालको अडान रामगोपालपुरका पूर्व वडाध्यक्ष जितेन्द्रकुमार चौधरी राष्ट्रिय स्वतन्त्र पार्टीमा प्रवेश, पार्टी परिवर्तनले स्थानीयमा बढ्यो असन्तुष्टि मनराशिसवा नगरपालिकाका अध्यक्ष पाण्डेयसँग विकास र आगामी निर्वाचनबारे छलफल महोत्तरीको जलेश्वरस्थित महादेव मन्दिर परिसरमा अज्ञात पुरुषको शव फेला सम्सी बजारमा आज रास्वपाको बृहत् पार्टी प्रवेश कार्यक्रम हुँदै, सयौँको संख्यामा प्रवेश गर्ने दाबी मकमानपुरकाे भैँसेमा सुमो दुर्घटना, तीन जनाको मृत्यु, सात जना घाइते जनकपुरधाममा राप्रपा सांसद खुश्बु ओलीद्वारा माता जानकीको दर्शन, पूज्य बाबाहरूबाट आशीर्वाद ग्रहण
स्थानीय तहको निर्वाचन वैशाखमा, प्रदेशसभा निर्वाचन मंसिरमा गर्ने निर्वाचन आयोगको प्रस्ताव फुटपाथमै व्यवसाय गर्न पाउनुपर्ने माग गर्दै व्यापारीहरू आन्दोलनमा मधेशमा नयाँ सरकार गठन अन्योलमा, एमालेसँग सहकार्य नगर्ने जसपा नेपालको अडान रामगोपालपुरका पूर्व वडाध्यक्ष जितेन्द्रकुमार चौधरी राष्ट्रिय स्वतन्त्र पार्टीमा प्रवेश, पार्टी परिवर्तनले स्थानीयमा बढ्यो असन्तुष्टि मनराशिसवा नगरपालिकाका अध्यक्ष पाण्डेयसँग विकास र आगामी निर्वाचनबारे छलफल महोत्तरीको जलेश्वरस्थित महादेव मन्दिर परिसरमा अज्ञात पुरुषको शव फेला सम्सी बजारमा आज रास्वपाको बृहत् पार्टी प्रवेश कार्यक्रम हुँदै, सयौँको संख्यामा प्रवेश गर्ने दाबी मकमानपुरकाे भैँसेमा सुमो दुर्घटना, तीन जनाको मृत्यु, सात जना घाइते जनकपुरधाममा राप्रपा सांसद खुश्बु ओलीद्वारा माता जानकीको दर्शन, पूज्य बाबाहरूबाट आशीर्वाद ग्रहण
☰

मधेशमा नयाँ सरकार गठन अन्योलमा, एमालेसँग सहकार्य नगर्ने जसपा नेपालको अडान

प्रतिक्षा खबर
२०८३ मंसिर ४, शुक्रबार १३:२८

जनकपुरधाम। मधेश प्रदेशमा नयाँ सरकार गठनका लागि दलहरूले दाबी पेस गर्ने आज (शुक्रबार) अन्तिम दिन भए पनि सत्ता समीकरणमा सहमति जुट्न नसक्दा सरकार गठन प्रक्रिया लम्बिने संकेत देखिएको छ।
मधेश प्रदेशको ठूलो दल जनता समाजवादी पार्टी (जसपा) नेपालले नेकपा एमालेसँग सहकार्य गरेर सरकार गठन गर्न नसकिने अडान लिएपछि नयाँ सरकार गठनको प्रक्रिया थप अन्योलमा परेको हो।
जसपा नेपालका अध्यक्ष उपेन्द्र यादव एमालेसँग मिलेर मधेश प्रदेशमा सरकार बनाउन तयार नरहेको पार्टीका एक नेताले बताएका छन्। शुक्रबार साँझ जनकपुरधाम आइपुगेका अध्यक्ष यादवले आफ्नै पार्टीका प्रदेशसभा सदस्यहरूसँग छुट्टाछुट्टै भेटघाट तथा छलफल गरिरहेका छन्।
अध्यक्ष यादवसँग भेट गरेका जसपा नेपालका एक प्रदेशसभा सदस्यका अनुसार एमालेसँग सहकार्य नगर्ने विषयमा अध्यक्षको स्पष्ट धारणा रहेको छ। एमालेले दल विभाजन गराएको, लुम्बिनी प्रदेशमा आफ्ना सांसद तानेर सरकार गठन गरेको तथा मधेश प्रदेशमा पनि त्यस्तै राजनीतिक परिस्थिति सिर्जना गर्न खोजेको आरोप लगाउँदै यादव एमालेसँग असन्तुष्ट रहेको ती सांसदको भनाइ छ।
‘एमालेसँग सरकारमा नजाने अध्यक्षजीको स्पष्ट अडान छ। अब अर्को कुन राजनीतिक विकल्पमा जाने भन्ने विषयमा छलफल भइरहेको छ,’ ती सांसदले बताए।
जसपा नेपालको उक्त अडानपछि मधेश प्रदेशमा नयाँ सरकार गठनका लागि वैकल्पिक राजनीतिक समीकरण खोज्नुपर्ने अवस्था देखिएको छ। प्रदेशसभामा रहेका अन्य दल तथा सांसदहरूको समर्थन जुटाउने विषयमा पनि राजनीतिक दलहरूबीच छलफल तीव्र हुने देखिन्छ।
यसअघि मुख्यमन्त्रीले राजीनामा दिएपछि मधेश प्रदेशमा नयाँ सरकार गठनको प्रक्रिया सुरु भएको थियो। तर दलहरूबीच नेतृत्व र सत्ता साझेदारीका विषयमा सहमति जुट्न नसक्दा प्रदेशको राजनीतिक अवस्था थप पेचिलो बन्दै गएको छ।
अब जसपा नेपालले कुन दलसँग सहकार्य गर्छ र मधेश प्रदेशमा नयाँ सरकारको नेतृत्व कसले लिन्छ भन्ने विषयलाई राजनीतिक वृत्तले चासोका साथ हेरिरहेको छ।

तपाईको प्रतिक्रिया !

ADVERTISEMENT

ताजा खबर


सम्बन्धित खबर