नयाँ दिल्ली । माओवादी प्रभावित भारतको छत्तीसगढस्थित नारायणपुर जिल्लामा प्रहरीसँगको भीडन्तमा ३२ जना कथित माओवादी मारिएको दाबी गरिएको छ ।
मारिएका माओवादीको संख्या अझै बढ्न सक्ने जनाइएको छ । राति भएकाले प्रहरीलाई खोजी कार्यमा समस्या भइरहेको जनाएको छ ।
छत्तीसगढमा गतवर्ष भाजपा सरकार आएयता माओवादीविरुद्ध सघन अभियान चलाइरहेको छ ।
त्यसो त गृहमन्त्री विजय शर्माले माओवादीसँग शान्ति वार्ताको प्रस्ताव समेत राखेका छन् । यो वर्षको जनवरीदेखि अहिलेसम्म कम्तीमा १७१ माओवादी मारिएका छन् ।
