कसले जित्छ ? तुरुन्तै भन्न सक्ने अवस्था छैन : टिकटका लागि नै रातारात दल परिवर्तन गर्ने होडका कारण जन्ता अन्याेलमा लाेसपा नेता झा

नागेन्द्र कु यादव ,रामगाेपालपर– आउँदो मंसिर ४ को निर्वाचनमा अहिले दलहरु होमिएका छन् । सबै दल आ–आफ्ना निर्वाचन क्षेत्रमा जनतामाझ गइरहेका छन् ।
उनीहरु सबैको चाहना हो, ‘आफूले मात्रै निर्वाचनमा सिट हात पार्ने भनेर ।’ त्यसैअनुरुप उनीहरुले कसरत पनि गरिराखेका छन् ।
तर, निर्वाचन आयोगले कात्तिक १७ गतेसम्म आमसभा नगर्न निर्देशन समेत दिइसकेका छन् । निर्देशन उलङ्घन गरे उम्मेदवारी समेत खारेज गर्ने आयोगले जानकारी गराइसकेको छ ।
दलहरुको चुनावप्रतिको होडबाजी गर्ने दृष्टिकोणलाई आयोगले काउन्टर दिने काम गरेको छ ।
चुनाव नजिकिँदै गर्दा दलहरुले प्रचार–प्रसारलाई तीव्रता दिने गर्दछन् । यहीबेला आयोगको यस्तो निर्देशनले उम्मेदवारहरुलाई सकस हुने देखिन्छ । तर, यसलाई पोजेटिभ मान्नुपर्छ । यसले चुनावमा हुने अनावश्यक खर्च कम गर्छ । जुन दल र उम्मेदवार दुबैको लागि हानिकारक हुँदैन ।
यसै विषयमा केन्द्रित भएर राजनीतिलाई सही ढंगबाट विश्लेषण गर्ने युवा पुस्ताको मार्गदर्शक ज्ञानेन्द्र झा ज्ञानु (विद्यार्थी नेता) सँग कुराकानी गरेका छौं । खासगरी हामी महाेतरी जिल्लाका सबै निर्वाचन क्षेत्रका बारेमा कुराकानी गरेका छाै ।
झा भन्छन्, ‘महाेतरीको निर्वाचन यसपटक रोचक हुनेछ । यसपटक कुनैपनि दल र उम्मेदवारले सहज रुपमा जीत हात पार्न सक्दैन ।’ महाेतरी मा जम्मा ४ निर्वाचन क्षेत्र छन् । सबै क्षेत्रमा दुई पक्क्षिय भिडन्त देख्नमा लागिरहेका छन । क्षेत्र २मा खासै त्यति कडा भिडन्त नरहेपनि ३वटामा कडा टकर रहेकाे देख्न सकिन्छ ।प्राय सबै क्षेत्रमा पुरानै उमेदवारहरु छन् । कोही समकक्षी त कोही पुरानै प्रतिस्पर्धी ।
यद्यपी, विश्लेषक झाले भने, ‘नेताहरु ठूला बन्ने खोजे, असल बन्न चाहेका छ्रैनन् । जनतासँग विकल्प पनि छैन । जुन जोगी आए पनि कानै चिरेको भनेजस्तो नेपालको राजनीति ।
जे जसो भएपनि महाेतरी जिल्ला मित्र कडा चुनावी प्रतिस्पर्धामा छन् । कोही टिकटका लागि नै रातारात दल परिवर्तन गर्ने होड चलेको छ । यहाँ भिजनरी नेताको आवश्यकता छ । तर, उल्टो भएको छ केवल सिजनरी ।
भिजनरी अर्थात् ‘दूरदृष्टि’ । यहाँ दृष्टिबिहीनहरु छन् । जसकारण देश विकासले गति लिन सकेको छैन । बाहिरी शक्ति, विदेशी पैसा र भ्रस्टाचारमा लिप्त हुनेहरु नै सत्तामा पुग्ने गर्छन् । आफ्नै देशमा भएको प्रकृति, जडिबुटी, खनिज, विद्युत, पानी, नदीनाला लगायतको उपयोग गर्न सके अमेरिका ‘नेपाल’मै हो भन्दा फरक पदैन ।
निर्वाचन आयोगले दल र उम्मेदवारहरुलाई असोज ३१ गते कसी लगाएको छ । आयोगको यो निर्णय जायज भएको उनको तर्क छ । जथाभावी र हावादारी कुरा गरेर चुनावी मैदानमा उत्रने प्रक्रिया अन्त गर्न यसले सहयोग पुग्ने उनको विश्वास छ ।
प्रतिनिधिसभा र प्रदेशसभाको निर्वाचन महाेतरीमा कसले कहाँ जित्ने हो कात्तिक २० पछि मात्रै तर्क दिन मिल्छ । अहिले यहा यसले, त्यहाँ त्यसले जित्छ भन्ने कुरा पार्टीका नेता कार्यकर्ताले बोल्ने हो । मैले बोल्न मिल्दैन