जनकपुरधाम, महोत्तरी। जनकपुरधामस्थित प्रादेशिक अस्पतालको शवगृह नजिकै ४५ वर्षीय मैतु सदाको शव फेला परेको घटनालाई लिएर आफन्त तथा स्थानीयवासीले निष्पक्ष छानबिन र दोषीमाथि कडा कारबाहीको माग गरेका छन्।
घटनाको सत्यतथ्य सार्वजनिक गर्नुपर्ने र मृतकले न्याय पाउनुपर्ने मागसहित आफन्त तथा स्थानीयवासीले जनकपुरधाम–ढल्केवर सडकखण्डअन्तर्गत रमदैयामा चक्काजामसहित विरोध प्रदर्शन गरेका छन्।
Oplus_19005440
प्रदर्शनकारीहरूले घटनाको निष्पक्ष अनुसन्धान गरी मृत्युको वास्तविक कारण सार्वजनिक गर्न, घटनामा संलग्न दोषी पहिचान गरी कानुनी दायरामा ल्याउन तथा पीडित परिवारलाई न्याय दिलाउन सम्बन्धित निकायसँग माग गरेका छन्।
अचानक भएको यस घटनाले मृतकका परिवार र स्थानीय समुदायलाई शोक तथा चिन्तामा पारेको छ। प्रदर्शनकारीहरूले घटनालाई गम्भीरतापूर्वक लिएर निष्पक्ष छानबिन गर्न प्रशासनसँग आग्रह गरेका छन्।
चक्काजामका कारण उक्त सडकखण्डमा आवागमन प्रभावित भएको छ। घटनाबारे प्रहरी तथा प्रशासनको आधिकारिक धारणा र अनुसन्धानको विस्तृत विवरण आउन बाँकी छ
