भीमफेदी सडक दुर्घटनाप्रति पूर्वमुख्यमन्त्री सरोजकुमार यादवद्वारा दुःख व्यक्त, मृतकप्रति श्रद्धाञ्जली

महोत्तरी । छठ पर्व मनाउन घर फर्किंदै गरेका नागरिकहरूको मकवानपुरको भीमफेदीमा भएको दुःखद सडक दुर्घटनाप्रति मधेश प्रदेशका पूर्वमुख्यमन्त्री एवं महोत्तरी निर्वाचन क्षेत्र नं. ४ (क) का प्रदेशसभा सदस्य सरोजकुमार यादवले गहिरो दुःख व्यक्त गरेका छन्।
पूर्वमुख्यमन्त्री यादवले दुर्घटनामा परी ज्यान गुमाउने सम्पूर्णप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गरेका छन्।
उनले यस दुःखद घडीमा शोकाकुल परिवारजनलाई धैर्यधारण गर्ने शक्ति मिलोस् भन्दै दुर्घटनामा घाइते भएकाहरूको शीघ्र स्वास्थ्यलाभको कामनासमेत गरेका छन्।
छठ पर्व मनाउन आफ्नो घरपरिवारसँग भेटघाट गर्ने उद्देश्यले यात्रा गरिरहेका नागरिकहरू दुर्घटनामा परी ज्यान गुमाउनुपरेको घटनाले आफूलाई अत्यन्त दुःखी बनाएको उनको सन्देशमा उल्लेख छ।
साथै, उनले यस कठिन परिस्थितिमा पीडित परिवारजनप्रति ऐक्यबद्धता व्यक्त गर्दै मृतकप्रति सम्मान र घाइतेहरूको शीघ्र स्वास्थ्यलाभको कामना गरेका छन्।