महोत्तरी , गोपाल झा , कार्तीक ३० गते
महोत्तरीको एकडारा गाउँपालीका वडा नं.१ स्थित प्राचिनकालका महरानीस्थान परिसरलाई सफा, हरियाली र सुन्दर बनाउने उद्देश्यसहित माँमहरानी युवा क्लबले आयोजना गरेको वृक्षरोपण तथा सौन्दर्यीकरण कार्यक्रम सफलतापूर्वक सम्पन्न भएको छ । माँमहरानी युवा क्लबलका अध्यक्ष रोहित मण्डल सहितका सम्पुर्ण सदस्य तथा स्थानीय युवादेखि समुदायका अगुवा, र स्थानिय विद्यालयका विद्यार्थीसम्म बृक्षारोपन कार्यक्रममा सक्रिय सहभागी भएका कारण कार्यक्रम निकै प्रभावकारी बनेको आयोजकले बताएका छन् । 
कार्यक्रम अन्तर्गत फूलका बोट, सजावटी प्रजाती , छायाँ प्रदान गर्ने रुख, फलफूलका बिरुवा तथा पर्यावरणमैत्री प्रजातिका करीब पचास वटा विभिन्न बिरुवाहरु रोपिएको क्लबका अध्यक्ष रोहति मण्डलले बताएका छन् । अध्यक्ष मण्डलका अनुसार आज रोपीएका बिरुवाहरुले आगामी वर्षहरूमा महारनी स्थान परिसरको सौनदर्य बृद्धि , क्षेत्रको वातावरणीय संतुलन, र गर्मी नियन्त्रणमा महत्वपूर्ण भूमिका खेल्ने अपेक्षा गरिएको छ । 
माँमहरानी युवा क्लबका उपाध्यक्ष तथा कोषाध्यक्ष सम्भु ठाकुर सचिव रबिन महतो सदस्यहरु सितलेश मण्डल ,रबि तिवारी सहितका पदाधिकारीहरूले आफ्नो गाउँलाई सफा र हरियाली बनाउने अभियान चलाउने भन्दै “हाम्रो गाउँलाई सुन्दर र स्वस्थ बनाउने जिम्मेवारी हामी सबैको हो । आज हामीले रोपेका यी बिरुवा भविष्यमा हाम्रो पहिचान र गर्वको आधार बन्ने ” क्लबका प्रतिनिधिले बिश्वास ब्यक्त गरेका छन् ।
बृक्षा रोपन कार्यक्रममा सहभागी स्थानीयवासीहरूले पनि यस्तो पहलले समुदायमा वातावरण संरक्षणप्रति चेतना बढेको उल्लेख गर्दै आगामी दिनमा पनि निरन्तर सहयोग गर्ने प्रतिवद्धता व्यक्त गरे । त्यस्तै बिभिनन विद्यालयका विद्यार्थीहरूले समेत रुख रोप्दै वातावरणबारे सीख्ने अवसर पाएको भन्दै खुसी व्यक्त गरेका थिए । 
यता स्थानीय जनप्रतिनिधिहरूले माँ महरानी युवा क्लबले अघि सारेको अभियानको प्रशंसा गर्दै गाउँ–समुदायको विकासमा युवाहरूको सक्रियताले सकारात्मक प्रभाव पार्ने जनाएका छन् । “यस्ता गतिविधिले गाउँको सुन्दरता मात्र होइन, जनस्वास्थ्य र वातावरण दुवैमा फाइदा गर्छ,” उनीहरूको भनाइ छ । 
एक साताअघि मात्र यी युवा क्लबले आफ्नो सम्पुण आर्थीक खर्चले यही महरानी स्थानमा पुजा–अर्चना सहित रामनाम अष्टयामको भव्य आयोजना समेत गरेको थियो । धार्मिक, सांस्कृतिक तथा सामुदायिक एकता अभिवृद्धिमा योगदान गर्ने उद्देश्यसहित गरिएको उक्त अष्टयाममा स्थानीयहरूको उत्साहपूर्ण उपस्थिति रहेको क्लबले थियो । धार्मिक कार्यक्रम तथा समाजसेवा—दुवै क्षेत्रमा सक्रिय भूमिकाले क्लबप्रति समुदायको भरोसा अझै बढेको स्थानियहरुको भनाई छ । 
कार्यक्रम सफल बनाउन सहयोग तथा सहभागिता जनाउने सबैप्रति क्लबले धन्यवाद व्यक्त गरेको छ । क्लबका अध्यक्ष मण्डलले आगामी दिनमा धर्माीक कार्यक्रम सहित सडक छेउ वृक्षरोपण, सरसफाइ अभियान, स्वास्थ्य सचेतना कार्यक्रम जस्ता सामुदायिक कार्यहरू निरन्तर अगाडि बढाइने जनाएको छ ।
