सोनमा गाउँपालिकामा खसि चोरको बिगबिगि

बिष्णु यादब,गौशाला महोत्तरी माघ १३ गते
महोत्तरीको सोनमा गाउँपालिकामा खसि चोरको बिगबिगि बढेको छ । सोनमा गापा ७ सुन्दरपुरस्थित स्थानिय रासबिहारी यादबको सोमबारराती घरबाटै दुई वटा खसी,एक थान मोबाईल र एक जोर जुत्ता चोरले चोरी गरी लगेको हो ।
दुई हप्ताको अन्तरालमा सुन्दरपुरमा करीब आधा दर्जन चोरीको घटना भईसकेको स्थानिय ज्ञानेन्द्र यादबले जानकारी दिनुभयो । यस वडा देखी करीब १ किलो मिटरको दुरीमा रहेको अस्थाई प्रहरी चौकी मगरथानाको फितलो गस्तिका कारण दिन प्रतिदिन चोरहरु सहजै रुपमा चोरी गरी लग्ने गरेको यादबको आरोप हो ।
चोरहरुले एक हप्ता पहिले स्थानिय रसिलाल यादबको घरबाट एक थान एलसिडि,केही लत्ता कपडा र केही नगद लिएर भागेका थिए भने गत शुक्रबार स्थानिय नगटा यादबको घरबाट एउटा बाख्रा र एउटा खसी चोरी गरी लगेका थिए ।
प्रहरी प्रसाशनको मिलोमत्तो वा वहाहरुकै लापरबाहीका कारण घरैपिछे अबैध मदिरा,लागु औषध गजा बेचबिखीन निर्बाध रुपमा भई रहेकोले यस्ता अपराधिक घटना बढ्न लागेको स्थानियहरु बताउछन् ।
प्रशासनको चुनौती दिदै चोरहरसहजैं रुपमा चोरी गरी रहेकाले यहाँका स्थानियहरु भ्यभित भई जिवन जिउन बाध्य भएको स्थानिय समाजसेबी युवा बिनोद यादबले बताए । गाउ नजिकै रहेको खोर भन्ने चौरीमा बाहिर बाहिरको केही केटाहरुको समुहले लागु औषध गाजा,टेबलट खाने गरेको र रातीमा उनीहरुनै चोरी गर्ने गरेको हुन सक्ने यादबले बताए ।
एता ईलाका प्रहरी कार्यालय गौशालाका ईन्चार्ज ईन्सपेक्टर प्रकाश रेग्मीले घटनाहरुको अध्यन्न गरी अनुसन्धान गरी रहेको र त्यस्ता अपराधिलाई चाडैं कानुनी कटघेरामा लाउने बताए । त्यस्तै लगातार भई रहेको यस्ता घटना बास्तबमा चिन्ताजनक रहेकोले चाडै अपराधिलाई पक्राउ गरी कारबाही गर्न sthaniya haru प्रहरीसंग अपिल गरेको हो ।