नागेन्द्र कुमार
साेनमा ।
महोत्तरीको सोनमा गाउँपालिकामा आगामी स्थानीय तहको निर्वाचनलाई लिएर राजनीतिक सरगर्मी बढ्न थालेको छ । यसैक्रममा राष्ट्रिय स्वतन्त्र पार्टी (रास्वपा) को तर्फबाट गाउँपालिका अध्यक्ष पदका लागि डा. अशोक कुमार यादवको नाम जोडतोडले चर्चामा आएको छ ।
महोत्तरीको सोनमा गाउँपालिकामा आगामी स्थानीय तहको निर्वाचनलाई लिएर राजनीतिक सरगर्मी बढ्न थालेको छ । यसैक्रममा राष्ट्रिय स्वतन्त्र पार्टी (रास्वपा) को तर्फबाट गाउँपालिका अध्यक्ष पदका लागि डा. अशोक कुमार यादवको नाम जोडतोडले चर्चामा आएको छ ।
पेशाले चिकित्सक (डाक्टर) रहेका यादव लामो समयदेखि स्थानीय स्तरमा स्वास्थ्य सेवाका साथै विभिन्न सामाजिक कार्यहरूमा सक्रिय रहँदै आएका छन् । चिकित्सक जस्तो प्रतिष्ठित पेशामा रहेर पनि निरन्तर समाजसेवामा लीन हुने भएकाले स्थानीय नागरिकहरूमाझ उनको बलियो पकड बनेको छ । स्थानीय बासिन्दाका अनुसार उनी एक कुशल, इमानदार र बौद्धिक युवा नेताको रूपमा परिचित छन् ।
“डा. यादवले पेशागत दायित्वसँगै समाजका हरेक सुख-दुःखमा पुर्याउनुभएको योगदान प्रशंसनीय छ,” एक स्थानीयले भने, “सोनमाको समग्र विकास र परिवर्तनका लागि उहाँ जस्तो सक्षम र युवा नेतृत्वको खाँचो छ ।”
गाउँपालिकामा स्थापित पुराना राजनीतिक दलहरूप्रति नागरिकको असन्तुष्टि बढिरहेका बेला रास्वपाको ‘घण्टी’ चिह्न र डा. यादवको स्वच्छ छविका कारण यो पटक सोनमामा चुनावी नतिजा रास्वपाको पक्षमा पार्न सहज हुने स्थानीय बुद्धिजीवीहरूको विश्लेषण छ । युवा वर्ग र सर्वसाधारणमाझ लोकप्रिय रहेका डा. यादवको उम्मेदवारी चर्चाले यतिबेला सोनमा गाउँपालिकाको चुनावी माहौललाई थप रोचक बनाएको छ ।
