‎जसपा नेपालद्वारा २८ बुँदे माग पूरा गर्न माग गर्दै विरोध प्रदर्शन ।

‎मलंगवा, सर्लाही — जनता समाजवादी पार्टी (जसपा) नेपालले उठाएको २८ बुँदे माग तत्काल पूरा गर्न माग गर्दै सर्लाहीको मलंगवामा विरोध सभा आयोजना गरिएको छ।‎
‎विरोध सभामा बोल्दै जसपा नेपाल जिल्ला समिति सर्लाहीका अध्यक्ष रणधिर यादवले समावेशिता, सुशासन, सामाजिक न्याय र जनजीविकासँग सम्बन्धित मागहरूलाई सरकारले बेवास्ता गर्दै आएको आरोप लगाउदैेे उनले जनताको अधिकार सुनिश्चित हुने गरी पार्टीले अघि सारेका २८ बुँदे मागहरू तत्काल कार्यान्वयन नगरे आन्दोलनलाई अझ सशक्त बनाइने चेतावनी दिए।
‎सभामा पार्टीका केन्द्रीय सदस्य सुनैना चाैधरी , मिरा मण्डल , राष्ट्रिय सभाका पुर्व सदस्य रामपृत पासवान, जिल्ला उपाध्यक्ष तथा चक्रघटा गाउँपालिकाका अध्यक्ष कृष्ण कुमार यादव , बसवरिया गाउँपालिका अध्यक्ष राम सिहासन यादव , कविलासि नगरपालिकाका पुर्व मेयर काैशल किशाेर यादव तथा स्थानीय तहका नेताहरू, कार्यकर्ता र समर्थकहरूको उल्लेख्य सहभागिता रहेको थियो। वक्ताहरूले सरकार जनताको समस्या समाधानप्रति गम्भीर नदेखिएको भन्दै दबाबमूलक कार्यक्रमलाई निरन्तरता दिने बताएका छन्।
‎विरोध सभा जनता समाजवादी पार्टी, नेपाल जिल्ला समिति सर्लाहीको आयोजनामा सम्पन्न भएको हो।