सोनमा (महोत्तरी), कार्तिक
सोनमा गाउँपालिका वडा नम्बर १ मा विजया दशमी, शुभ दीपावली, छठ र सामाचकेवा पर्वको अवसरमा एक शुभकामना आदान-प्रदान कार्यक्रम भव्य रूपमा सम्पन्न भएको छ।
गाउँपालिका अध्यक्ष एवम् राष्ट्रिय स्वतन्त्र पार्टीका नेता डा. अशोक कुमार यादवको अध्यक्षतामा उक्त कार्यक्रम आयोजित गरिएको थियो। कार्यक्रममा बोल्दै अध्यक्ष डा. यादवले चाडपर्वहरूले आपसी सद्भाव, भाइचारा र सामाजिक एकतालाई अझ सुदृढ बनाउने विश्वास व्यक्त गर्नुभयो। साथै, जनतासँगको सम्बन्धलाई अझ प्रगाढ बनाउन गाउँपालिकाका विभिन्न स्थानहरूमा यस्ता शुभकामना कार्यक्रमहरू निरन्तर आयोजना गरिने उहाँले जानकारी दिनुभयो।
कार्यक्रममा दर्जनौँ स्थानीय युवा, राजनीतिक दलका कार्यकर्ता तथा सर्वसाधारणहरूको उत्साहजनक उपस्थिति रहेको थियो।
