Advertisement
ताजा खबर
मनराशिसवा नगरपालिकाका अध्यक्ष पाण्डेयसँग विकास र आगामी निर्वाचनबारे छलफल महोत्तरीको जलेश्वरस्थित महादेव मन्दिर परिसरमा अज्ञात पुरुषको शव फेला सम्सी बजारमा आज रास्वपाको बृहत् पार्टी प्रवेश कार्यक्रम हुँदै, सयौँको संख्यामा प्रवेश गर्ने दाबी मकमानपुरकाे भैँसेमा सुमो दुर्घटना, तीन जनाको मृत्यु, सात जना घाइते जनकपुरधाममा राप्रपा सांसद खुश्बु ओलीद्वारा माता जानकीको दर्शन, पूज्य बाबाहरूबाट आशीर्वाद ग्रहण जनकपुरधाममा माननीय खुश्बु ओलीलाई हिन्दु सम्राट सेनाद्वारा भव्य स्वागत जसपा नेपाल छाडेका १८ जनप्रतिनिधिको पद रिक्त पूर्व श्रममन्त्री रामेश्वर राय यादव पक्राउ विद्यालयको बिदामा पनि पूरा महिनाकै शुल्क, अभिभावकलाई आर्थिक भार सप्तरीमा जंगली हात्तीको बथान गाउँ पस्न थालेपछि स्थानीय त्रसित
मनराशिसवा नगरपालिकाका अध्यक्ष पाण्डेयसँग विकास र आगामी निर्वाचनबारे छलफल महोत्तरीको जलेश्वरस्थित महादेव मन्दिर परिसरमा अज्ञात पुरुषको शव फेला सम्सी बजारमा आज रास्वपाको बृहत् पार्टी प्रवेश कार्यक्रम हुँदै, सयौँको संख्यामा प्रवेश गर्ने दाबी मकमानपुरकाे भैँसेमा सुमो दुर्घटना, तीन जनाको मृत्यु, सात जना घाइते जनकपुरधाममा राप्रपा सांसद खुश्बु ओलीद्वारा माता जानकीको दर्शन, पूज्य बाबाहरूबाट आशीर्वाद ग्रहण जनकपुरधाममा माननीय खुश्बु ओलीलाई हिन्दु सम्राट सेनाद्वारा भव्य स्वागत जसपा नेपाल छाडेका १८ जनप्रतिनिधिको पद रिक्त पूर्व श्रममन्त्री रामेश्वर राय यादव पक्राउ विद्यालयको बिदामा पनि पूरा महिनाकै शुल्क, अभिभावकलाई आर्थिक भार सप्तरीमा जंगली हात्तीको बथान गाउँ पस्न थालेपछि स्थानीय त्रसित
☰

महन्थ ठाकुरको गढ’मा हरिनारायणको विद्रोह, कांग्रेस-एमालेलाई ‘घण्टी’को डर

प्रतिक्षा खबर
२०८२ माघ २१, बुधबार १२:५५

 

पार्टी, संगठन र मतदातामाथि रहेको ठाकुरको पकडकै कारण यो क्षेत्रलाई ‘महन्थको गढ’ भनेर टिप्पणी गरिन्छ । तर, फागुन २१ को प्रतिनिधिसभा निर्वाचनमा भने महन्थ आफै मैदानमा छैनन् । उनी भर्खरै राष्ट्रियसभा सदस्य निर्वाचित भएर माथिल्लो सदनतर्फ पाइला सारिसकेका छन् ।

ठाकुरले प्रतिनिधिसभा छाडे पनि यो क्षेत्रमा जसपाले उनकै छोरी डा. मिनाक्षी ठाकुरलाई मैदानमा उतारेको छ । मिनाक्षीलाई भने बुबालाई जस्तो सहज स्थिति भने देखिएको छैन ।

जसपाकै नेता पूर्वमन्त्री हरिनारायण यादवले मिनाक्षीविरुद्ध बागी उम्मेदवारी दिएका छन् । अहिलेका बागी उम्मेदवार यादव २०७९ को निर्वाचनमा जसपाबाट यही क्षेत्रका उम्मेदवार थिए । त्यो बेला ठाकुर लोकतान्त्रिक समाजवादी पार्टी(लोसपा)बाट उम्मेदवार भएर निर्वाचित हुँदा यादव निकटतम प्रतिद्वन्द्वी बनेका थिए । यहीकारण मिनाक्षीका लागि यादवको बागी उम्मेदवारी निकै कठिन चुनौती मानिएको छ ।यसपटक लोसपाले महोत्तरी–३ बाट ठाकुरको नाम एकल सिफारिस गरेको थियो । तर, प्रतिनिधिसभा निर्वाचनको मनोनयनअघि नै उनलाई जसपा नेपालले राष्ट्रियसभामा व्यवस्थापन गरेपछि यादव आफूले टिकट पाउनेमा विश्वस्त थिए ।

तर, अन्तिम समयमा ठाकुरले आफ्नो राजनीतिक उत्तराधिकारीका रूपमा छोरी मिनाक्षीलाई सारेपछि यादवले विद्रोह गरेका हुन् । उनले पार्टीभित्र वर्षौँदेखि सक्रिय नेतालाई पन्छाउँदै योगदानको अवमूल्यन र वंशवादी प्रवृत्ति हाबी हुनेगरी टिकट दिएको भन्दै विद्रोह गरेको बताएका छन् । मिनाक्षीको उम्मेदवारीका कारण जसपाभित्र असन्तुष्टि पनि चर्को देखिएको छ । मधेश आन्दोलन र त्यसपछिको राजनीतिक संघर्षमा सहभागी नेताहरूले अपेक्षाविपरीत परिवारमै शक्ति सीमित गर्न खोजेको आरोप व्यापक बनेको छ ।

जसपाले बागी उम्मेदवारी दिएपछि यादवलाई पार्टीबाट निष्कासन गरिसकेको छ । निष्कासनको निर्णयले पार्टीभित्र झन् दरार ल्याएको जसपाकै नेताकार्यकर्ताहरू बताउँछन् । पार्टीले गल्तीको समीक्षा गर्नुपर्नेमा कारबाहीको डण्डा चलाउनु रहेको जसपाकै एक नेता बताउँछन् ।

यादवको विद्रोहले जसपाको परम्परागत मताधार विभाजित हुने सम्भावना बलियो बनाएको छ । यसले जसपाको सुरक्षित देखिएको आधारभूत मतसमेत कमजोर बन्नसक्ने राजनीतिक संकेत दिएको छ ।
उता मिनाक्षी विगतमा बुबा(ठाकुर)ले सुनिश्चित गरेका अधिकारलाई पूर्णता दिन आफ्नो उम्मेदवारी रहेको बताउँछिन । ‘मेरो परिचय कसैको छोरीसम्म मात्रै सीमित छैन । म यहाँको जनताको हक, अधिकार र सम्मानको लागि आएकी छु । जनताकै बलमा यहाँ उभिएकी हुँ,’ ठाकुर भन्छिन्, ‘मधेशको संघर्ष सम्मानको लागि हो, सत्ताको लागि होइन ।’

अन्य दल उत्साहित

मधेशवादी दल जसपाभित्रको विवादबाट अन्य दल हौसिएका छन् । नेपाली कांग्रेस, नेकपा एमाले, नेपाली कम्युनिष्ट पार्टी(नेकपा) र राष्ट्रिय स्वतन्त्र पार्टी(रास्वपा)का उम्मेदवारहरू जसपाभित्रको विवादलाई अवसरका रूपमा लिएर सक्रिय देखिन थालेका छन् ।

यहाँ कांग्रेसले लगातार दुई चुनाव ठाकुरलाई नै सघाउँदै आएको थियो । यसपटक बजरंग नेपालीलाई उम्मेदवार बनाएको छ । पार्टीमा रूपान्तरण गरेको नारासहित आएको कांग्रेस एकताबद्ध संगठनका आधारमा जितको दाबी गरिरहेको छ ।

यस्तै किसानका मुद्दा, बाढीका समस्या, सुक्खाको समस्या, चुरे संरक्षण, स्वास्थ्य, शिक्षामा सुधार, सुशासन र भ्रष्टाचार न्यूनीकरणका मुद्दा बोकेर कांग्रेस उम्मेदवार नेपाली भोट मागिरहेका छन् ।

एमालेले मनोज सिंहलाई उम्मेदवार बनाएको छ । सिंहलाई पनि बागी उम्मेदवार राम आधार कापरले चुनौती थपेका छन् । कापर संविधानसभा, प्रतिनिधिसभा र जलेश्वर नगरपालिकाको मेयरमा पटक–पटक निर्वाचन लडिसकेका नेता हुन् । क्षेत्रबाट एकल नाम सिफारिस हुँदा पनि टिकट नपाएको भन्दै कापरले विद्रोह गर्दै बागी उम्मेदवारी दिएका छन् ।

रास्वपाले उज्वल झालाई उम्मेदवार बनाएको छ । उनले पार्टीका वरिष्ठ नेता बालेन्द्र शाह(बालेन)को क्रेजलाई चुनाव जित्ने आधारका रूपमा लिएका छन् । पुराना दलका विकृति र परिवारवादबाट असन्तुष्ट मतदातालाई आकर्षित गर्ने उनको प्रयास छ ।

यस्तै नेकपाले रामबहादुर साह सुडीलाई उम्मेदवार बनाएको छ । दर्जनौँ बामदल मिलेर बनेको नेकपाले अहिले मधेसमा नयाँ लहरको खोजी गरिरहेको छ ।

महोत्तरी–३ मा कुल ५९ हजार ९५० पुरुष तथा ५० हजार ८८६ महिला गरी एक लाख १० हजार ४३६ मतदाता रहेको यस क्षेत्रमा ४१ जना उम्मेदवार चुनावी मैदानमा छन् ।

 

तपाईको प्रतिक्रिया !

ADVERTISEMENT

ताजा खबर


सम्बन्धित खबर