आउँदो ३ दिन मधेश प्रदेश सहीत देशभर ठूलो पानी पर्ने, सावधानी अपनाउन आग्रह

महोत्तरी, अषाढ १५ गते
गाेपाल झा, आउँदो ३ दिन सम्म मधेश प्रदेश सहीत देशभर ठुलो पानी पर्ने जल तथा मौसम बिज्ञान विभागले जनाएको छ ।
जल तथा मौसम विज्ञान विभागका महानिर्देशक कमलराम जोशीले आउँदो तीन दिन सम्म देशभर ठूलो पानी पर्ने भन्दै उच्च सावधानी अपनाउन सबेमा आग्रह गरेका हुन् ।
आज बुधवार गृह मन्त्रालयमा बसेको मनसुन पूर्वतयारी तथा प्रतिकार्य बैठकमा बोल्दै महानिर्देशक जोशी आउँदो तीन दिन देशभर ठूलो पानी पर्ने भएकाले उच्च सतर्कता अपनाउन नागरिकहरुलाई आग्रह गर्नुभएको हो । उहाँले आउँदो तीन दिन तराईका सबै जिल्लामा ठूलो पानी पर्ने र खोलामा जलस्तर बढेर बाढीको समस्या निम्तिन सक्ने बताउनुभयो ।
तराईका लगभग सबै खोलामा बाढी आउने भनेर पूर्वानुमान गरेको हुनाले यहाँका नागरीकहरुलाई महानिर्देशक जोशी सचेत गराएका हुन् । वहाँले अहिले पूर्वदेखि पश्चिमसम्म त्यही अवस्था छ । खोलाको जलस्तर बढेर डुबान र बाढीले समस्या दिने सम्भावना छ । आउँदो तीन दिन ठूलो पानी पर्नेछ । जसका कारण खोलानाला बढ्न गइ कुन-कुन खोलामा के हुन्छ भन्ने सम्बन्धित निकायलाई जानकारी गराइसकेको बताएका हुन् ।
महानिर्देशक जोशीले विभागले मौसमसम्बन्धी निकाल्ने नियमित बुलेटिन बाहेक विशेष बुलेटिन निकालेको अवस्थामा अझ सतर्क हुन आग्रह गर्नुभयो । मनसुन सुरु भएदेखि विभागले एनसेल र एनटिसी सिमबाट अहिलेसम्म २० लाख एसएमएस गरिसकेको उहाँले बताउनुभयो ।