शिवपुर स्वास्थ्य चौकीलाई थप सक्रिय गर्दे विभिन्न निर्णय सहित बैठक सम्पन्न

चन्द्रौटा,कपिलवस्तु,
शिवराज नगरपालिका वडा न १ शिवपुर स्वास्थ्य चौकी कोरोना रोकथामका लागि थप सक्रिय भएको छ ।
शिवपुर स्वास्थ्य चौकी व्यवस्थापन समितिका अध्यक्ष जगत बहादुर धर्ती क्षेत्रीको अध्यक्षतामा बसेको बैठकले वडामा रहेका कोरोना संक्रमित व्यक्तिहरुको मनोबल उच्च बनाउना स्वास्थ्यकर्मीलाई थप सक्रिय हुन निर्देशन दिए ।
कोरोना रोकथाममा सक्रिय भई कार्य गरेका स्वास्थ्यकर्मी र वडा कार्यालयका कर्माचारी संक्रमित भएको र उनीहरुको शिघ्र स्वास्थ्य लाभको कामना समेत गरेका थिए ।
कामको सिलिसलामा कोरोना पोजेटिब भई काठमाडौको एपिएफमा उपचार भई रहेका कर्मचारी गणेश जि.सीको अल्पआयुमा भएको दुखद निधनले आफु दुखिद भएको धर्तिले कपुरी अनलाईनलाई बताए ।
शिवपुर स्वास्थ्य चौकीले कोरोनो रोगको रोगथामका लागी जनचेतना फैलाउने उपदेश्यले विभिन्न क्रियाकलाप गर्ने निर्णय गरेको छ । आज बसके स्वास्थ्य व्यवस्थापन समितिको निर्णय अनुसार विभिन्न निर्णय गरिएको स्वास्थ्य चौकीका इन्चार्ज लेखनाथ पौडेलले जानकारी दिए ।
बैठकले वडा न १ मा कोभिड १९ को रोकथामका लागि संक्रमण रोकथाम तथा अनुगमनलाई तिव्र बनाउने । केही दिन पहिले कोभिड १९ का कारण मृत्यु भएका गणेश जि.सीको परिवारलाई सहयोगका लागी पहल गर्ने । स्वास्थ्य सेवालाई अझै प्रभावकारी बनाउने र होम आइसोलेसन्सलाईमा सेवा प्रवाह बारे निर्णय गरिएको पौडेलले बताए ।