प्रतीक्षा खबर
रामगाेपालपुर, जेठ २३ गते ।
पछिल्लो २४ घण्टामा देशभर थप २ सय ७८ जनामा कोेरोना संक्रमण पुष्टि भएको छ । योसँगै संक्रमतिको संख्या २९ सय १२ पुगेको छ ।
स्वास्थ्य मन्त्रालयका प्रवक्ता डा विकास देवकोटाले हालसम्म ३३३ जनाले कोरोना भाइरसको संक्रमण जितेर घर फर्किएको जानकारी दिए ।
त्यस्तै आजमात्रै देशभरका विभिन्न अस्पतालबाट ४३ जना उपचारपछि निको भएर घर फर्केका छन् । हालसम्म देशका ६८ जिल्लामा कोरोना फैलिएको छ ।
