महाेतरीकाे नेपाली सेनामा काेराेना भाइरस रहेकाे पुस्टि

प्रतीक्षा खबर
रामगाेपालपुर, जेठ ३ गते ।
पहिलो पटक नेपाली सेनामा कार्यरत दुई जनालाई कोरोनाभाइरस संक्रमण पुष्टि भएको छ ।
शनिबार थपिएका कोरोना बिरामी दुबै जना नेपाली सेनाका मध्यपूर्वी पृतना महोत्तरीमा कार्यरत ५२ वर्षीय पुरुष र काभ्रेका २६ वर्षीय युवक रहेका नेपाली सेनाका प्रवक्ता विज्ञानदेव पाण्डे बताएका छन्।
उनीहरुलाई एम्बुलेन्समार्फत काठमाडौं ल्याउन लागिएको र काठमाडौं ल्याइसकेपछि सशस्त्र प्रहरीको कोरोना विशेष अस्पतालमा राखिने सेनाले जनाएको छ ।
शनिबारको नियमित प्रेस ब्रिफिङमा स्वास्थय मन्त्रालयका प्रवक्ता डा विकास देवकोटाले महोत्तरीका ५२ र काभ्रेका २६ वर्षीय पुरुषमा कोरोनाभाइरस संक्रमण पुष्टि भएको बताएका थिए ।
उनीहरु नै सेनामा कार्यरत भएको खुलेको हो ।