गोपाल झा
महोत्तरी , मंसिर १६ गते
महोत्तरीको रामगोपालपुर वडा २ उपनिर्वाचनको मतगणनामा एमालेको अग्रता कायम रहेको छ ।
आज सम्पन्न उपनिर्वाचनको मतगणना कार्य भई रहेको छ । शान्तीपुणर् मतदान सम्पन्न भए पश्चात साझ बसेको सर्वदलीय बैठकमा सहमति भएपछि मतगणना सुरु भएको ।
साझ ६ः४५ बजेबाट मतगणना सुरु भएको मुख्य निर्वाचन अधिकृत राजकुमार कोइरालाले जानकारी दिए ।
जरी उपनिर्वाचनको मतगणनामा एमालेको अग्रता कायम रहेको छ । अहिलेसम्म ४ सय ८५ मत गणना गर्दा नेकपा एमालेको सुर्य छाप २२२ मत आएको छ । भन्ने माओवादीको (हसिया हथौड़ा) छाप १४६ मत, कांग्रेसको (रुख) छाप ९२ र जसपा २० मत प्राप्त गरेको मुख्य निर्वाचन अधिकृत राजकुमार कोइरालाले जानकारी दिए ।
रामगोपालपुर नगरपालिका वडा २ मोहनपुर स्थित नेपाल राष्ट्रीय जनता आधारभूत विद्यालयमा मतदान केन्द्र रहेको थियो । जम्मा १ हजार ५ सय १४ मत खसेको मुख्य निर्वाचन अधिकृत राजकुमार कोइरालाले जानकारी दिए । जसमा बुथ (क) मा ४२४ महिला र ३३१ पुरुष गरि ७५५ त्यसैगरी बुथ (ख) मा ३६० महिला र ३९९ पुरुष गरि ७५९ जम्मा १ हजार ५ सय १४ मत खसेको छ । जम्मा मतदाता मध्ये ७०.७१ प्रतिशत मत खसेको मतदान अधिकृत कोईरालाले जनाउनुभयो ।
उक्त वडामा एउटै मतदानस्थल रहेको श्री नेपाल राष्ट्रिय आधारभूत विद्यालय मोहनपुरमा दुई मतदान राखिएको छ । यस वडामा कुल २ हजार १ सय ४१ मतदाता रहेका मध्ये ९४० महिला र १ हजार २ सय १ पुरुष मतदाता रहेका छन् ।
