विनोद महतो
महेन्द्रनगर, साउन २६ ।
धनुषाको मिथिला नगरपालिका वडा नं. २ नक्टाझिजस्थित हिमालय युवा क्लवको आयोजनामा भईरहेको फुटबल प्रतियोगिता अन्तर्गत आजको खेलमा श्री रत्न ज्योति युवा क्लव रतनपुर र ढल्केवर युनाइटेड फुटबल क्लवबीच रोचक प्रतिस्पर्धा भएको छ । निकै रोचक र कडा प्रतिस्पधात्मक भउको खेलमा श्री रत्न ज्योति युवा क्लव रतनपुरले शुन्यका विरुद्ध २ गोलले जित हासिल गरेको छ ।
यता ढल्केवर युनाइटेड फुटबल क्लवले गोल पोष्टमा पटक पटक बल लगेपनि गोल भने गर्न सकेका थिएनन् । जीतसँगै रतनपुर दोस्रो सेमिफाइनलमा प्रवेश गरेको छ ।
प्रतियोगिता अन्तर्गत साउन २७ गते पहिलो सेमिफाइनल खेल हुने भएको छ । पहिलो सेमिफाइनल खेलमा आयोजक हिमालय युवा क्लव (बी) टिम र श्री शिव शक्ति बहुमुखी युवा क्लब किसानपुरबीच बुधवार ४ बजेदेखि खेल हुने आयोजकले जनाएको छ ।
यस्तै २८ गते दोस्रो सेमिफाइनलमा बुद्ध युवा क्लव मरधर र श्री रत्न ज्योति युवा क्लव रतनपुरबीच खेल हुनेछ । फुटबल प्रतियोगितामा रेफ्रीको रुपमा सखुवा दनुवारी टोलका निलाम्वर सिंहले भूमिका निभाईरहेका छन् ।
