सप्तरी, चैत ३ । जनता समाजवादी पार्टी (जसपा) नेपालका अध्यक्ष उपेन्द्र यादवले संघीय लोकतान्त्रिक गणतन्त्रलाई समाप्त पार्न कांग्रेस–कम्युनिस्ट तल्लिन रहेकोे आरोप लगाएका छन् । आइतबार सप्तरीको तिरहुत गाउँपालिका–५ लोहजारामा आयोजित ‘बृहत पार्टी प्रवेश कार्यक्रम’ मा उनले यस्तो आरोप लगाएका हुन् ।
मुलुक राजनीतिक रुपले गम्भिर मोडमा आएको उल्लेख गर्दै अध्यक्ष यादवले वर्तमान राजनीतिक अस्थिरताको मुल जड नै कांग्रेस–कम्युनिस्ट रहेको दावी गरे ।
उनले भने ‘४६ सालपछि अहिलेसम्म ३५ वर्षमा ३७ वटा सरकार बनेको छ , त्यसमा उही काँग्रेस कम्युनिष्टले चलाएका छन । शेरबहादुर देउवाले स्वयं कांग्रेस फोडेर राजालाई सहयोग गरेको थिए अनि राजाले ०४६ सालको उपलब्धी आफ्नो हातमा लिए ।’
उनले संघीय लोकतान्त्रिक गणतन्त्र आउदा समेत हरेक ६÷६ महिनामा सरकार परिवर्तन भईरहनु अनुचित रहेको बताए ।
कार्यक्रममा विभिन्न पार्टी परित्याग गरि दर्जनौ नेता कार्यकर्ता जसपा नेपालमा प्रवेश गरेका थिए । नवप्रवेशीहरुलाई अध्यक्ष यादव सहितका नेताले पार्टीमा स्वागत गरेका छन ।
