जनकपुरधाम,मंसिर १५ गते।
समृद्धिको प्रवेशद्वार शिक्षा मुल मन्त्रलाई चिन्तन मनन गर्दै प्रदेश सांसद रामअशिष यादवको परिकल्पनामा शुरु गरिएको हेल्दी स्कुल कार्यक्रम अन्तर्गत स्कुले वालिकाहरुलाई स्कुल ब्याग झोला वितरण गरिएको छ।
शहिदनगर नगरपालिका वार्ड नं ३ शहिदनगर यदुकूहा गाउँमा आयोजित कार्यक्रमलाई सम्बोधन गर्नेक्रममा प्रमुख अतिथि प्रदेश सांसद रामअशिष यादवले शिक्षा बिना जीवन अन्धकार हुने भएको ले सबै वालवालिकाहरुलाई शिक्षित गर्ने उदेश्यले हेल्दी स्कुल कार्यक्रमको शुरुआत गरिएको कुरा बताउंनु भयो ।
शिक्षा प्रेमि प्रदेश सांसद यादवले पिठ्युँमा बोरा बोक्ने वालवालिकाहरुको जीवन अन्धकार हुने भएकोले वालवालिकाहरुको पिठ्युँमा बोरा होइन स्कुल ब्याग बोक्नुपर्छ भने कुरामा जोड दिएका छन।
उहाँले गाउँ टोलका सम्पूर्ण वालवालिकाहरुलाई पठनपाठन का लागि प्रोत्साहन स्वरुप स्कुल ब्याग झोला उपलब्ध गराईएको कुरा बताउंनु भयो।
शहिदनगर नगरपालिका वार्ड नं ३ का वार्ड अध्यक्ष मनोज दासको अध्यक्षतामा सम्पन्न कार्यक्रममा समाजसेवीहरु सुनिल कमार साह,सुर्यदेव साह,रामलाल साह,रामकृपाल साह सहितका वक्ताहरूले शिक्षाको महत्त्व माथि प्रकाश पारेका छन।
कार्यक्रममा सहभागी वालिकाहरुले हाम्रो गाउँ टोलमा निशुल्क ट्युसन सेन्टर संचालन गरिदिन प्रदेश सांसद यादव र वार्ड अध्यक्ष दास संग आग्रह गरेका छन।
