महोत्तरी,महोत्तरी जिल्लाको सदरमुकाम जलेश्वरसंग जोड्ने बर्दिवास–जलेश्वर सडकमा हिजोको वर्षाले यातायात अवरुद्ध भएको छ ।
४२ किलोमीटर दुरीको स्तरोन्नतिको काम थालिएको सडक आईतवार साँझ परेको पानीले हिलाम्य भएपछि यातायातका साधन चल्न नसकेको हो ।
सडकको स्तरोन्नतिका लागि माटो भर्ने क्रम चलीरहेका बेला वर्षा हुँदा चिम्ट्ययाइलो माटो हिलाम्य भएको हो ।
हिलाम्य सडकमा आज बिहानैदेखि सार्वजनिक यातायातका साधन बस, जिप, टेम्पु र अन्य साधन चल्न सकेका छैन ।
दिनहुँ सयौं सवारी साधनको बाक्लो आवागमन हुने सडकमा यातायात ठप्प भएपछि जिल्लाको उत्तरीक्षेत्रका बासिन्दा सदरमुकाम जलेश्वर पुग्न जनकपुर अथव भित्रीबाटो भएर घुमेर लामो बाटो जानु परेको छ । जिल्लाका अन्य ग्रामीण सडक पनि हिलाम्य भएका छन् ।
वर्षाका कारण यस क्षेत्रको तापक्रम ह्वात्तै घटेको छ ।
