गोपाल झा
महोत्तरी , श्रावण २३ गते
महोत्तरीमा खोला तर्ने क्रममा बाढीले बगाउँदा एकजना पुरुषको मृत्यु भएको छ ।
पहाडी क्षेत्रमा भएको अबिरल बर्षाका कारण महोत्तरी स्थित रहेका खोलाहरुमा आएको बाढीले तटीय क्षेत्रको बाँघ फोरेर कैयौ गाँउहरुमा बाढीको पानी पस्दा स्थानियहरु जेखीममा परेको छ ।
यसैक्रममा सोनमा गाउपालिकामा एकजनालाई बाढीले बगाउँदा मृत्यु भएको छ महोत्तरी प्रहरी जनाएको छ । महोत्तरी प्रहरीका अनुसार सोनमा गाउँपालिका १ का तस्लिम अन्सारीको ३८ वर्षीय छोरा जाबिर अंसारीलाई खोला तर्ने क्रममा नदीले बगाएर मृत्यु भएको हो ।
सोनमा १ स्थित मरहा नदी तर्ने क्रममा नदीमा आएको बाढ़ीले अन्सारीलाई बगाएको जिल्ला प्रहरी कार्यालय महोत्तरीका प्रवक्ता डीएसपी दिलीप कुमार गिरीले बताएका हुन् ।
यता जाबिरको शब नेपाली सीमा बाट ४ किलोमीटर भित्र भारतीय क्षेत्रमा रहेको मझौरा गाँउमा फेला परेको जनाईएको छ ।
मृतक अन्सारीको आफन्तले शव सनाखत गरिसकेको र शव नेपाल ल्याउने प्रक्रिया चलिरहेको स्थानियले बताएका छन् ।
