२२ साउन, जनकपुरधाम । साहु-महाजनहरूले शुक्रबार जनकपुरधाममा विरोध प्रदर्शन गरेका छन् ।
मधेशका आठवटै जिल्लाबाट भेला भएका उनीहरू पीडित लेनदेन संघर्ष समितिको ब्यानरमा प्रदर्शन गरेका हुन् ।
उनीहरू जिल्ला प्रशासन, जिल्ला प्रहरी कार्यालय र जिल्ला अदालत धनुषा अगाडि पुगेर प्रदर्शन गरेका छन् ।
मिटरब्याज पीडितहरूसँग ९ बुँदे सहमति गरेको एकपक्षीय सहमति खारेज गर्नुपर्ने, मन्त्री परिषदबाट गरिएका निर्णयहरू फिर्ता गर्नुपर्ने लगायतका माग गरेका छन् ।
पीडित लेनदेन संघर्ष समिति, मधेशका अध्यक्ष विजय यादवले सरकारले आफूहरूको मागलाई बेवास्ता गरे कडा आन्दोलनमा उत्रिने चेतावनी दिए । आगामी भदौ १ गतेदेखि काठमाडौं पुगेर सिंहदरबार घेराउ गर्ने र माईतीघरमा धर्ना दिने कार्यक्रम तय गरिएको उनले बताए ।
