स्रोत नखुलेको १८ लाख रकम सहित विरगञ्जमा दुई जना पक्राउ

ललन कुमार चौरसिया ।
रौतहट २७ मंसिर।
पर्सा जिल्लाको वीरगञ्जको घण्टाघरमा स्रोत नखुलेको १८ लाख नेपाली रुपैयाँ सहित २ जनाको प्रहरी पक्राउ गरेका छन् ।
पक्राउ पर्नेमा वीरगञ्ज महानगरपालिका वडा नम्बर १० निवासी २८ वर्षीय चन्दन कुमार साह र घडीअर्वा निवासी ४४ वर्षीय ओमप्रकाश गुप्ता रहेका हुन ।
वीरगञ्ज महानगरपालिका वडा नम्बर ८ घण्टाघर देखि आदर्शनगरतिर जाँदै गरेका ना.१६ प. ५४४६ नम्बरको नेपाली मोटरसाईकललाई शंका लागि चेकजाँच गर्दा स्रोत नखुलेको १८ लाख नगद बरामद भएको पर्सा प्रहरीले जानकारी दिएका हुन् ।
साहले बोकेको झोलाबाट अवैध रकम फेला परेको पर्साका प्रहरी प्रवक्ता ओमप्रकश खनालले जानकारी दिएका हुन् ।
पक्राउ परेका दुवैजना विरुद्ध बैंक तथा बित्तीय संस्था सम्बन्धी कसूरमा आवश्यक अनुसन्धान बढाएको प्रहरी प्रवक्ता खनालले जानकारी दिएका हुन् ।