शान्तिपूर्ण  तरिकाले महोत्तरीमा मतदान सम्पन्न ,७० प्रतिशत मतदान प्रारम्भिक रिर्पोट

गोपाल झा
महोत्तरी , बैसाख ३० गते
बैसाख ३० गते शुक्रवार विहान ७ बजेदेखि सुरु भएको स्थानिय तहको निर्वाचन बेलुका ५ बजे सम्पन्न भएको छ । बिहान चर्को घाम र त्यसपछी वर्षाको वावजुद पनि महोत्तरीमा सामान्य घटना बाहेक शान्तिपूणर् र व्यवस्थित तरिकाले निर्वाचन सम्पन्न भएको निर्वाचन कार्यालय महोत्तरीका प्रमुख सुबोध कुमार महतोले बताउनुभयो ।
महोत्तरीको ४९७ मतदान केन्द्र रहकोमा ६५ देखी ७० प्रतिशत मतदान भएको प्रारम्भिक रिर्पोटले देखिन्छ । अहिले निर्वाचनस्थलबाट पालिकाको केन्द्रमा मतपेटिका संकलनको काम भई रहेको महोत्तरीका प्रमुख जिल्ला अधिकारी बासुदेश दहालले बताउनुभयो ।
प्रमुख जिल्ला अधिकारी दहालले महोत्तरीमा बर्दीवास , गौशाला , पिपरा , मटिहानी , एकडारा , सोनमा लगायतका स्थानमा बर्षा भएकोमा केही बेर मतदान अबरुध भएको थियो भने शान्तिपूणर् र व्यवस्थित तरिकाले मतदान सम्पन्न भएको र यसमा स्थानिय मतदाता, प्रहरी प्रशासन, निर्वाचनमा खटिएका कर्मचारी, निर्वाचन प्रमुख, अधिकृतलगायत राजनितिक दल, उम्मेदवारहरुलाई सहृदय धन्यवाद दिनुभएको छ ।
यता मतदान सम्पन्न भएपछी राजनितिक दल र उम्मेदवारहरुको सहमतिमा आजैबाट मतगणना गरिने र सहमति नभए भोली विहानबाट मतगणना गरीने जनाईएको छ ।