महोत्तरीमा मोटरसाइकल दुर्घटनामा एक जनाको मृत्यु चार जना घाईते

गोपाल झा
महोत्तरी , बैशाख ५ गते ।
महोत्तरीमा चौबिस घण्टा भित्र बेग्ला बेग्लै ठाँउमा मोटरसाइकल दुर्घटना हुँदा एकजनाको मृत्यु भएको छ भने चार जना घाईते भएको प्रहरीले जनाएको छ ।
मृत्यु हुनेमा पैदल यात्री जिल्ला महोत्तरी पिपरा गाउँपालिका वडा नं.६ बस्ने ६५ वर्षीय पचु सदा रहेका छन् ।
आइतबार राति करीब पौने १२ बजेको समयमा महोत्तरी पिपरा गाउपालिका ६ रतौली चौक स्थित हुलाकी राजमार्गमा जनकपुरबाट भ्रमपुरा तर्फ आँउदै गरेको ज ६ प १६४८ नम्बरको मोटरसाईकलले दिएको ठक्करले पैदल यात्री जिल्ला महोत्तरी पिपरा गाउँपालिका वडा नं.६ बस्ने ६५ वर्षीय पचु सदाको मृत्यु भएको जिल्ला प्रहरी कार्यालय महोत्तरीका डिएसपी प्रकाश बिष्ट जानकारी गराएका हुन् ।
मोटरसाईकलको ठक्करबाट गम्भीर घाइते भएका सदाको उपचारको क्रममा जनकपुर स्थित जानकी हेल्थकेरमा सोमबार बिहान मृत्यु भएको जिल्ला प्रहरी कार्यालय महोत्तरीले जनाएको छ ।
मोटरसाईकल चालक फरार रहेको र मोटरसाईकल नियन्त्रणमा लिएर घटनाको विषयमा थप अनुसन्धान गरिरहेको प्रहरीले जनाएको छ ।
त्यस्तै आईतबार राती करीब ११ बजे गौशाला न.पा.५ ब्रहमस्थान स्थित निगौल बाट गौशाला बजार तर्फ जादैं गरेको प्र-२-०३- ००१ च २१६६ नं को पिकअप भ्यानले सोही दिशा तर्फ जादै गरेको ना ३६ प ३४४९ नं. को मोटरसाईकललाई पछाडीबाट ठक्कर दिंदा मोटरसाईकल चालक जिल्ला महोत्तरी गौशाला न.पा.वडा नं.५ बस्ने अं.बर्ष २२ को प्रेम कुमार गुप्ता घाईते भएको छ । घाईते गुप्ताको उपचारको लागी बिराटनगर पठाईएको र सोही मोटरसाईकल पछाडी सवार आयुष कुमार गुप्ता घाईते भएकोमा प्राथमिक स्वाथ्य केन्द्र गौशालामा उपचार भईरहेको जनाईएको छ । ठक्कर दिने पिकअप भ्यानका चालक फरार रहेको हुँदा खोजतलास भईरहेको र मोटरसाईकल ततथा पिकअप प्रहरीको नियन्त्रणमा रहेको महोत्तरी प्रहरीले जनाएको छ ।
त्यस्तै सोमबार बिहान करीब ११ बजे पिपरा गा.पा. ६ स्थित हुलाकी सडक खण्डमा जनकपुरबाट भ्रमरपुरा तर्फ आउदै गरेको प्र २- ०२-००३ प ७५५५ नं मोटरसाईकलले सोही दिशा तर्फबाट आउदै गरेको साईकल यात्री जिल्ला महोत्तरी, महोत्तरी गा.पा. ६ गोनरपुरा बस्ने अं. बर्ष ६३ को राम नरेश साहलाई पछाडीबाट ठक्कर दिंदा घाईते भएको र मोटरसाईकल चालक जिल्ला महोत्तरी बर्दिबास न.पा. १२ बिजलपुरा बस्ने बर्ष २० को जमिर साफी समेत घाईते भएकोमा दुवै जनाको उपचारको लागी जनकपुर पठाईएको,छ । ठक्कर दिने मोटरसाईकल प्रहरीको नियन्त्रणमा रहेको,सो घटना सम्बन्धमा थप अनुसन्धान भईरहेको प्रहरीले जनाएको छ ।