उमेश कुमार साह
बोदे बर्साईन : सप्तरीबाट विभिन्न दलका सयौं नेता तथा कार्यकर्ता राष्ट्रिय स्वतन्त्र पार्टी (रास्वपा) मा प्रवेश गरेका छन् ।
जनता समाजवादी पार्टी नेपालका केन्द्रीय सदस्य तथा अधिवक्ता बालकिशाेर यादव मंगलबार राष्ट्रिय स्वतन्त्र पार्टीमा प्रवेश गरेका छन् । सप्तरीकाे क्षेत्र ४ बाेदे बर्साईन घर भएका यादव जसपा नेपालबाट २०७९ काे प्रतिनिधिसभा सदस्य निर्वाचनका प्रत्यासी हुन् ।
राष्ट्रिय स्वतन्त्र सप्तरी क्षेत्र ४ का उम्मेदवार सिताराम साहले बाेदे बर्साईनस्थित पार्टी कार्यालय घण्टी घरमा केन्द्रीय सदस्य यादव लगायत सयौं भन्दा बढी नेताकार्यकर्ता विभिन्न पार्टी परित्याग गरि फूलमाला अबिर लगाएर पार्टी प्रवेश गराएका छन् । उनीसँगै बाेदेबर्साईन ३ भई राष्टिय एकता पार्टीबाट दाेस्राे संविधानसभाका प्रत्यासी कृषनन्दन यादव पनि रास्वपामा प्रवेश गरेका हुन् । रास्वपाका बरिष्ठ नेता बालेन साह यस क्षेत्रमा आएकाे अवसरमा उनीहरू पार्टी प्रवेश गरेका हुन् ।
यसअघि, मधेसी निजामति कर्मचारी मञ्चका पूर्वउपाध्यक्ष तथा नेपाल निजामति कर्मचारीहरूकाे आधिकारिक ट्रेड यूनियन सिरहाका पूर्वअध्यक्ष अम्रेन्द्र यादवले पनि रास्वपामा प्रवेश गरेका छन् । बाेदेबर्साईन १ धनगढीका यादवसँँग असर्फी यादवलगायत रास्वपामा प्रवेश गरेका हुन् । उनीहरूलाई जेन्जी अगुवा तथा रास्वपाका केन्द्रीय सदस्य पुरूषाेत्तम यादवले फूलमाला अबिर लगाएर पार्टी प्रवेश गराएका थिए ।
