नागेन्द्र कुमार यादव
साेनमा,पुस १३ । लाेकतान्त्रिक समाजवादी पार्टी, नेपालका बरिस्ठ नेता एवम संघिय सरकारकाे श्रम राेजगार तथा समाजिक सुरक्षा मन्त्री शरत सिंह भण्डारीले मधेश आन्दोलनबाट प्राप्त उपलब्धिलाई समाप्त पार्ने प्रयास गरिए मुलुकलाई भिषण आन्दोलनको सामना गर्नु पर्ने चेतावनी दिएका छन ।
साेनमा गाउँपालिका वडा नम्बर ६मंगरथानामा श्री नेवालाल राष्ट्रिय अधारभुत विद्यालयकाे ८काेठे भवनकाे उदघाटन अन्तर्गत शनिबार विद्यालयमा आयोजित कार्यक्रमलाई सम्बोधन गर्दै मन्त्री भण्डारीले मधेश आन्दोलनले स्थापित गराएको समानुपातिक समाबेशी प्रणालीलाई समाप्त पार्ने षड्यन्त्र गरिए लाेसपाले आन्दोलनको आँधीबेहरी ल्याउने चेतावनी दिएका हुन ।
समानुपातिक समाबेशी प्रणालीले बिभेदमा परेका समुदाय बर्गको पहुँच शासन सत्तामा पुगेको उल्लेख गर्दै मन्त्री भण्डारीले शासन सत्तामा उपेक्षित बर्गको पहुँच ठुला दलहरूले पचाउन नसकेर षडयन्त्र गर्न थालेको आरोप लगाए ।
साेनमा गाउँपालिकामा वडा नम्बर ६मा ८काेठे भवनकाे उदघाटन कार्यक्रममा बाेल्दै मन्त्री भण्डारीले शोषित पीडित बर्ग अझै अधिकार सम्पन्न हुन नस्केको उल्लेख गर्दै मन्त्री भण्डारीले आन्दोलनको विकल्प नरहेको बताउनु भयो ।
एक फरक प्रसंगमा भण्डारीले नेपाली कांग्रेस र कम्युनिष्टले देशको कयापलट गर्छु भन्नू हस्यास्पद रहेको बताउदै
कांग्रेस र कम्युनिष्ट मिलेरै देशलाई खोक्रो बनाएको आरोप लगाए । बहुदलीय व्यवस्था आएको ३५ वर्षमा ३० वर्षभन्दा बढी समय कांग्रेस र कम्युनिष्ट मिलेर देश चलाएको उल्लेख गर्दै उनले विकासका हरेक सूचक ध्वस्त हुनुमा कांग्रेस र कम्युनिष्ट नै दोषी रहेको बताए । यो अवधिमा देशको शैक्षिकस्तर, कृषिको अवस्था तथा औद्योगिकीकरण लगायतका सबै क्षेत्र ध्वस्त हुँदै जाँदा देश नै खोक्रो भएको उनको भनाइ छ ।
उनले भने, ‘कांग्रेस तथा कम्युनिष्टहरुको शासनकालमा देशमा शिक्षा बर्बाद भएको छ, किसानहरु कृषि पेशाबाट पलायन भएर वैदेशिक रोजगारमा जान बाध्य भएका छन्, लाखौँ नेपाली नागरिकलाई रोजगारी दिएको उद्योग कलकारखाना ध्वस्त भएका छन् । अहिले पनि दलित समुदायको साथमा न्याय भएको छैन ।
अहिले पनि दलित, महिला, आदिवासी, जनजाति, मुस्लिम, थारु समुदायलाई यथोचित न्याय हुन सकेको छैन । अहिले पनि यो वर्ग राज्यबाट अपहेलित र अपमानित छ ।
