नागेन्द्र कुमार यादव
रामगोपालपुर, पुष १३ : मधेश प्रदेशकाे शिक्षाकाे अवस्था कमजाेर हुनुकाे कारण संघ सरकार रहेकाे मधेश प्रदेशका शिक्षा तथा संस्कृति मन्त्री रानी शर्मा तिवारीले बताएकी छिन् ।
संघीय सरकारले जानेर मधेश प्रदेशकाे शिक्षालाई बर्बाद गर्न लागेकाे छ । संघीय सरकारले प्रदेश सरकारलाइ शिक्षा सम्बन्धि कुनैपनी काम गर्ने अधिकार न दिएकाेले मधेश प्रदेशकाे शिक्षाकाे अवस्था दिन प्रतिदिन खराब हुँदै गइरहेकाे छ । शनिवार महाेत्तरीकाे साेनमा गाउँपालिका वडा नम्बर ६ मंगरथानामा नेवालाल राष्ट्रिय अधारभुत विद्यालयमा आयोजित ८काेठे भवनकाे उदघाटन कार्यम्रममा बोल्दै मन्त्री शर्मा यस्तो बताएकी हुन् ।
उनले भनिन् संघीय सरकारले षडयन्त्र तहत मधेशको शिक्षा बरर्बाद गर्ने गरी सामुदायिक विद्यालयमा शिक्षक व्यवस्थापन गरेको छैन । कानूनमा ५० विद्यार्थीमा प्रति विषय एक शिक्षकको व्यवस्था गरेको छ । तर यहाँ अवश्यक्ता अनुसार शिक्षक राखिएकाे छैन । तर पहाडतिर २०÷२५ जना मै एक शिक्षकको व्यवस्था गरेको छ ।याे नै सबैभन्दा ठुलाे विभेद हाे ।
मन्त्री तिवारीले प्रदेश सरकारले शैक्षिक स्तर उकास्न ल्याउन लागेको शैक्षिक कार्यविधिमा प्रत्येक माध्यमिकस्तरसम्मको विद्यालयमा स्वयंसेवक शिक्षकको व्यवस्था गरेको छ । तर संघ सरकारले तोकेका सचिवले हाम्रो अधिकार क्षेत्र पर्दैन भनेर अड्चन गरिरहेका छन् ।
कार्यक्रममा लाेसप नेपालका बरिस्ठ नेता एवम संघीय सरकाे श्रम राेजगार तथा समाजिक सुरक्षा मन्त्री शरद सिंह भण्डारीले मधेशको शैक्षिक स्तर खस्किदै गएको प्रति चिन्ता व्यक्त गर्दै भने यहाँ निशुल्क शिक्षा र पूर्वाधार भएपनि गरीबी र जनचेतनाको आभावको कारण शैक्षिक स्तर खस्किदैं गएको हो ।
मधेशको शैक्षिक स्तर खस्किनुमा तिनै तहका सरकार दोषी रहेको भन्दै यसमा प्रदेश सरकारले पनि आफ्नोस्तरबाट थप काम गर्नुपर्ने आवश्यकता रहेकोमा मन्त्री भण्डारीले जोड दिए ।
