गोपाल झा
महोत्तरी ,असोज ९ गते
महोत्तरी जिल्लाको दक्षिणी क्षेत्रमा संचालित जानकी एकेडेमीक हस्पिटल प्रालिमा नेपाल सरकारद्वारा संचालित आमा सुरक्षा कार्यक्रम निःशुल्क सुचारु हुँदा गर्भवती महिलाहरुकोलागी बरदान साबित हुने भएको छ ।
बिकासको दृष्टिीले दुर्गम मानिएको महोत्तरी क्षेत्र नं. ४ रामगोपालपुर नगरपालीका वडा नं.९ पर्सा देवाड मा चौबिसै घण्टा संचालित जानकी एकेडेमीक हस्पिटल प्रालिले यसक्षेत्र अन्तर्गत स्वास्थ्य उपचारकोलागी १२ बिभागीय बिशेषज्ञ डाक्टरहरुको टिम सेवा दिँदै आइरहेको छ ।
२०७८ सालमा जनता समाजवादी पार्टीका अध्यक्ष उपेन्द्र यादवको हातबाट समुद्घाटन भइ आजसम्म स्वास्थ्य क्षेत्रमा अनेकौ सेवा सुविधा सुचारु हुदै आइरहेको छ ।
यसै क्रममा एकेडमिकले आफ्नो सेवा बिस्तर गर्दै असोज ८ गते शनिबार देखि आमा सुरक्षा कार्यक्रम पनि निशुल्क रुपमा संचालन हुने एक कार्यक्रमका बिच पुर्व स्वास्थ्य तथा जनसंख्या राज्य मन्त्रि डा. सुरेन्द्र यादवले जानकारी दिए ।
महोत्तरीको क्षेत्र नम्बर १ को लागि बर्दिबास , क्षेत्र न. २ को लागि जनकपुर ,क्षेत्र न.३ को लागि जलेश्वरमा स्वास्थ्य सेवा सुविधा उपलब्ध भएपनि क्षेत्र न. ४ स्वास्थ्य सेवाबाट बन्चित भएको कारणले जानकी एकेडेमिक हस्पिटल प्रालिले अनेकौ सेवा सुविधा अति न्युन शुल्कमा यहाँका जनसमुदायलाई सेवा दिने उद्देश्य बोकी आगाडी बढिरहेका छन् ।
सोनमा गाँउपालिकाको पुर्व अध्यक्ष राजकुमार यादवको संयोजकत्वमा सम्पन्न अन्तक्रिया कार्यक्रममा पुर्व स्वास्थ्य राज्य मन्त्रि डा. सुरेन्द्र यादव , पुर्व कानुन तथा राज्य मन्त्रि सरोज कुमार सिंह र विभिन्न पालिकाहरुको नगर प्रमुख ,उपप्रमुख, वडा अध्यक्ष , स्वास्थ्य शाखाको अधिकृत , प्रमुख प्रशासकीय अधिकृतहरुको उपस्थिति रहेको थियो ।
