आइपिएलमा सचिनका छोरा अर्जुन तेन्दुलकरको डेब्यू

एजेन्सी –बैशाख ३ गते ।
भारतका पूर्व सफल ब्याटर सचिन तेन्दुलकरका छोरा अर्जुनले इन्डियन प्रिमियर लिग (आइपिएल) २०२३ मा मुम्बई इन्डियन्सबाट डेब्यू गरेका छन् ।
बायाँ हाते युवा तीव्र गतिका बलर अर्जुनले कोलकाता नाइट राइडर्स विरुद्धको खेलमा डेब्यू गरेका छन् ।
उनी पछिल्ला दुई सिजन मुम्बईमा रहेपनि डेब्यू गर्ने मौका पाएका थिएनन् ।
गतवर्ष भारतको सर्वाधिक लोकप्रिय घरेलु प्रयितोगिता रणजी ट्रफीमा डेब्यू खेलमै शतक हानेका अर्जुनलाई गत वर्ष अक्सनमा मुम्बईले ३० लाख भारुमा किनेको थियो ।
न्यूनतम मूल्य २० लाख भारु राखेका अर्जुनलाई किन्न गुजरात जायन्टले पनि रुचि देखाएपछि ३० लाखमा बिकेका थिए । अर्जुनले भारतीय य–ू१९ टोलीबाट पनि खेलि सकेका छन् । उनी तीव्र गतिका बलिङको लागि चिनिन्छन् ।
मुम्बईले त्यस्तै डुवान यानसनलाई पनि डेब्यू दिएको छ । त्यस्तै आजको खेलमा मुम्बईको कप्तानी सूर्यकुमार यादवले गरेका छन् । वानखडे स्टेडियममा टस जितेर मुम्बईले पहिला बलिङ गर्ने निर्णय लिएका छन् ।