गर्मी मौसम सुरु हुन साथ महोत्तरीमा आगलागी हुँदा दुईजना घाइते , थप उपचारका लागि लगियो काठमाडौं

गोपाल झा
महोत्तरी, फागुन २७ गते ।
महोत्तरीको बनौटा गाँउ स्थित घरमा आगलागी हुँदा त्यसमा परेर दुईजना गम्भीर घाईते भएका छन् । शनिबार दिनको करीब अढाई बजे बलवा नगरपालिका ४ परौल टोल स्थित रामसागर यादवको खपडाको छानो, बाँसको टाटिको बेरा लगाएको १ तले कच्ची भान्सा घरमा बालेको चुल्होबाट अचानक आगो सल्कीर्दा आगलागी हुँदा त्यसमा परेर दुईजना घाइते भएको जिल्ला प्रहरी कार्यालय महोत्तरीले जनाएको छ ।
आगलगीमा यादबको घरभित्र रहेको अन्न पात लत्ताकपडा सहितको करीब ८० हजार बराबरको सरसमान जलेर नष्ट भएको प्रहरीले जनाएको छ । जिल्ला प्रहरी कार्यालय महोत्तरीका प्रहरी निरीक्षक सरोज राईका अनुसार घरमा लागेको आगो नियन्त्रण गर्ने क्रममा जलेर स्थानिय दुईजना गम्भीर घाईल समेत भएको छ ।
आगोमा जलेर गम्भीर घाइते भएका बलवा ४ बस्ने ५२ वर्षीय जयकरण यादव र ५० वर्षीय चन्दर देवीलाई प्रादेशिक अस्पताल जनकपुरमा समान्य उपचार पश्चात थप उपचारको लागि काठमाण्डौ रिफर गरिएको प्रहरी निरीक्षक राईले बताएका हुन् ।