नागेन्द्र साह
महोत्तरी, साउन ९ गते । महोत्तरीको गौशाला नगरपालिकाले शुक्रवार विहान एक कार्यक्रमकाबीच नगरपालिकाको भवनको शिलान्यास गरेका छन । गौशाला नगरपालिका ४ स्थित नगरपालिकाले खरिद गरेकाे जग्गामा नगरप्रमुख शिवनाथ महतोले सो भवनको शिलान्यास गरेका हुन ।
हनुमान कन्ट्रक्शन ललितपुरले ४ करोड ९४ लाखमा टेण्डर लिई निर्माण गरिने सो भवन अत्याधुनिक पूर्वाधार सहितको रहने गौशाला नगरपालिकाको कार्यालयका ईन्जिनियर प्िवन महताेले जनाएको छ ।
३ तले भएको सो भवनमा ५५ वटा कोठाहरु रहने र भवन निर्माण कार्य अगामी २०७८ साल पुस मसान्तसम्ममा सम्पन्न हुने प्रमुख प्रशासकीय अधिकृत वीरेन्द्रजंग थापाले जानकारी दिएका छन ।
नगरको भवन निर्माण गर्ने सपना आफुहरुले चुनावकै लक्ष्य लिएकोले अवको १५ महिनामा भवन निर्माण हुने नगरप्रमुख शिवनाथ महतोले बताएका छन ।
