भंगहा नगरपालिका कन्ञ्चनवनस्थित स्वर्गीय रामो यादवको दोस्रो श्रद्धाञ्जलीसभा तथा सम्मान कार्यक्रम सम्पन्न

महोत्तरी जिल्लाका भंगहा नगरपालिका वडा नं. ९ कन्ञ्चनवनस्थित स्वर्गीय रामो यादवको दोस्रो श्रद्धाञ्जलीसभा तथा सम्मान कार्यक्रम आज सम्पन्न गरिएको छ । भंगहा नगरपालिका वडा नं. ९ कञ्चनवनस्थित स्वर्गीय रामो यादवको दोस्रो श्रद्धाञ्जलीसभा मनाउँदै वृद्धवृद्धाहरुलाई दोसल्ला ओढाइ सम्मान गरेको छ । स्वर्गीय यादवको धर्मपत्नी धनलुटिया यादवको अध्यक्षता तथा विष्णुदेव यादवको प्रमुख आतिथ्यमा भएको सो कार्यक्रममा सहभागिहरुले स्वर्गीय यादवप्रति श्रद्धाञ्जली व्यक्ति गर्दै कार्यक्रममा उपस्थित दर्जनौ वृद्धवृद्धाहरुलाई दोसल्ला ओढाइ सम्मान गरिएको छ । क्षीरेश्वरनाथ उद्योग वाणिज्य संघ महेन्द्रनगरका अध्यक्ष सुरेश यादवले आफ्ना स्वर्गीय बुवा रामो यादवको दोस्रो श्रद्धाञ्जली मनाउँदै गरिव, विपन्न परिवारका विद्यार्थीहरुको लागि लोकसेवाका कितावहरु निःशुल्क उपलब्ब्ध गराउने घोषणा समेत गरेका छन् । अध्यक्ष यादवले आफ्नो स्वर्गीय बुवा रामो यादव स्मृति प्रष्तिठान नामले सो क्षेत्रमा विभिन्न कार्यहरु गर्दै आएको जनाएको छ ।