क्रसर उद्योगीले नदी उत्खन्न गर्न तट्बन्ध भत्काइ क्षति पुर्‍याएको भिडियो समाचार प्रकाशित हुँदा पत्रकारलाइ धम्कि

मिति २०७७ साल भदौं २४ बुधबार नेपालवाणी अनलाईमा महोत्तरीको बर्दिबास नगरपालिका-६ किसाननगरमा क्रसर उद्योगीले नदी उत्खन्न गर्न तट्बन्ध भत्काइ क्षति पुर्‍याएको भिडियो समाचार प्रकाशित हुँदा त्यससंग सम्बन्धित भएर सामाजिक सञ्जालमा आएका समाग्री र ती समाग्रीमाथि भएका टिप्पणीप्रति हाम्रो गम्भीर ध्यानार्षण भएको छ ।
किसाननगरस्थित रातु खोलाको पूर्वी किनारमा संचालित सुमित बालुवा प्रशोधन उद्योगले अबैध रुपमा उत्खनन गरेको नदीजन्य बस्तु ढुवानी गर्न खोलाको तटबन्ध नै भत्काएको समाचार पत्रकार ललन मण्डलले सम्प्रेशण गर्दा बर्दिबास नगरपालिका-७ का वडा अध्यक्ष फाल्गुण सुसलिङ्ग मगरले आफ्नो फेसबुक पृष्ठमा लेखेका स्टाटस् र त्यसमा भएका टिप्पणीहरुको समर्थनमा अभिव्यक्त विचारले हिंसालाई उक्साएको प्रतित हुन्छ ।
वडा अध्यक्ष मगरको स्टाटस्मा बाबु चौलागाई नाम गरेका फेसबुक प्रयोगकर्ताले पत्रकारको ‘हात र जिब्रो काट्ने’ भनी गरेका टिप्पणीमा वडा अध्यक्ष मगरले ‘ हजुर, त्यसको लागि त तयार छु जुध्न’ भन्ने रिप्लाई प्रति हाम्रो गम्भिर आपती छ । जनप्रतिनिधीले यस्तो टिप्पणी गर्दा हिंसालाई बढावा दिएको हाम्रो ठम्याई छ ।
नदीनाला, वन सम्पदा, विकास संरचनाहरुको उपयोग, संरक्षण र प्रबद्र्धनको कुरा स्थानीय तहले बिधिसम्मत गर्ने कानुनी व्यवस्था भएपनि यहाँका नदी नादीनाला तथा प्राकृतिक सम्पदामाथि अवैध दोहन भइरहँदा जनप्रतिनिधीको मौनतालाई जनताले अवैध धन्दा संचालन गर्नेहरुसंगको साँठगाँठका रुपमा बुझ्ने गरेका छन् । यसक्रममा जनताबाट अभिब्यक्त आक्रोसमा जनप्रतिनिधिले करोडौं कमाएका सम्मको भाव ब्यक्त भएको छ ।
सञ्चार क्षेत्रले नदी र नदी उकास क्षेत्रको अबैध उत्खनन बारे बिषय लगातार उठाउँदै आएका छन् । यद्यपि यस्ता अबैध उत्खनन गर्नेबिरुद्ध कडा कारवाही भएको छैन । आफ्नो वडा/ नगरमा अबैध उत्खनन् गर्ने काय नरोक्ने, बिकास संरचनाको संरक्षणतर्फ उदाशिन देखिने तर यि बिषय उठाउने पत्रकारबिरुद्ध हात काट्ने र जिब्रो थुत्नेसम्मका टिप्पणीमा समर्थन जनाउने जनप्रतिनिधिको काम उदेक लाग्दो नै छ । यस्ता गतिबिधिले हाँमी जिल्लाका पत्रकारले सुरक्षाको बिषय सम्वेदनशील बनेको महसुस गरेका छौं ।
हामी पत्रकार नदीनाला, प्राकृतिक सम्पदाको संरक्षण , प्रबद्र्धन र न्यायोजित एबम् बिधिसम्मत उपयोगको कुरामा जोड दिन्छौं । यसभित्र देखिने विकृति उजागर गर्नु हाम्रो ब्यवसायिक धर्म हो । पत्रकारलाई धम्कीपूणर् भाषा प्रयोग गरेर गलाउन खोज्ने प्रवृति भत्र्सनायोग्य छ । हाँमी सम्बन्धित सबैपक्षलाई पत्रकारहरुको सुरक्षाप्रति सचेत हुन र सम्वेदनशील हुन अपिल गर्दछौ ।