विराटगरमा एकैदिन थपिए ५० जना कोरोना संक्रमित

प्रतीक्षा खबर
२७ साउन, विराटनगर
विराटनगरमा थप ५० जनामा कोरोना भाइरस (कोभिड १९) संक्रमण पुष्टि भएको छ । प्रदेश जनस्वास्थ्य प्रयोगशाला विराटनगर र कोशी अस्पतालमा परीक्षण गर्दा म‌ंगलबार २१ महिला र २९ पुरुष गरी कुल ५० जनामा संक्रमण पुष्टि भएको हो ।
योसँगै विराटनगरमा कोरोना संक्रमितको संख्या ३४३ पुगेको छ । संक्रमित मध्ये ६९ जना उपचारपछि डिस्चार्ज भएका छन् । चार जनाको कोरोनाका कारण मृत्यु भइसकेको छ ।
आइतबार विराटनगरमा ५० सहित प्रदेश १ मा ९८ संक्रमित थपिएका छन् ।
प्रदेशमा संक्रमण पुष्टि भएको यो संख्या अहिले सम्मकै उच्च हो । सामाजिक विकास मन्त्रालयका अनुसार विराटनगरमा ५० सहित मोरङमा ६१, सुनसरीमा १८, उदयपुरमा १५, झापामा २ , इलाम र ताप्लेजुङमा १–१ जनामा संक्रमित थपिएका छन् ।
संक्रमित मध्ये १ हजार १४ जना डिस्चार्ज भइसकेका छन् ।