प्रतीक्षा खबर समाचारदाता शुक्रबार, २३ फाल्गुन
प्रदेश २ सरकार हाेलि पर्व नजिकिदै गर्दा प्रहरीलाई शान्ति सुरक्षा मजबूत पार्न मोटरसाइकल सहयाेग गरेका छन । प्रदेश २ का आन्तरिक मामिला तथा कानून मन्त्रालयले आफ्ना मातहतका प्रदेश प्रहरीलाई २४ थान मोटरसाइकल दिई सहयोग गरेको छ ।शुक्रबार मधेश भवनमा आयोजित एक कार्यक्रममाका बीच आन्तरिक मामिला तथा कानुनमन्त्री ज्ञानेन्द्र कुमार यादवले प्रदेश प्रहरी कार्यालयका प्रमुख प्रहरी नायव महानिरीक्षक प्रद्युम्न कार्कीलाई सो मोटरसाइकलको साँचो हस्तान्तरण गरेका हुन् ।कार्यक्रममा मन्त्री यादवले सवारी साधनको अभावका बाबजुद प्रहरी प्रशासनले उत्कृष्ट सेवा प्रदान गर्दै आएको बताए । उनले प्रहरी प्रशासनलाई साधन श्रोत सम्पन्न बनाउन प्रदेश २ सरकार तत्पर रहेको भन्दै प्रदेशको शान्ति सुरक्षालाई थप मजबुत बनाउन मोटरसाइकल हस्तान्तरण गरिएको जानकारी दिए ।प्रदेश प्रहरी कार्यालयका प्रमुख प्रहरी नायव महानिरीक्षक प्रद्युम्न कार्कीले उपलब्ध मोटरसाइकलको भरपुर सदुपयोग गर्दै प्रदेश २ को शान्ति सुरक्षालाई चुस्त दुरुस्त बनाउन नेपाल प्रहरी सदैव कटिवद्ध रहने प्रतिबद्धता व्यक्त गरे ।अावश्यक्ता परे अरु दिने समेत मन्त्रि यादवले भनेका छन ।
