एकडारा गाँउपालिका-१ को वडाध्यक्षमा जसपाका मण्डल प्यानलसहित निर्वाचित

गोपाल झा
महोत्तरी , २ जेष्ठ
महोत्तरीको एकडारा गाँउपालिका १ नम्बर वडाको अध्यक्षमा जनता समाजबादी पार्टी नेपालको उम्मेदवार मनोज कुमार मण्डल प्यानलसहित निर्वाचित भएका छन् । निकटतम प्रतिद्वन्दी नेपाली काँग्रेसका रेहान रेजा अन्सारीलाई ४६० मतान्तरले पराजित गर्दै मण्डल प्यानल सहीत वडाध्यक्षमा निर्वाचित भएका हुन् ।
मण्डलले ९३० मत पाउँदा अन्सारीलले ४७० मत पाएका थिए । निर्वतमान वडाध्यक्ष समेत रहेका नेपाली काँग्रेसका अन्सारीलाई यसपाली यहाँका मतदाताले रुचाउन सकेन ।
त्यस्तै महिला सदस्यमा ९४७ मतका साथ बिन्दु देबी निर्वाचित भइन् भने दलित महिला सदस्यमा ९५१ मतका साथ सकुन्तला देबी पासमान निर्वाचित भइन् । खुल्ला सदस्य पदमा श्यामनन्दन मण्डल ९१७ मत प्राप्त गरेका हुन भने सलिन्दर साह ८९९ मत प्रप्त गरेर प्यानल सहीत विजयी भएका छन् ।