पोखरीमा डुबेर मृत्यु भएको बैठाको परिबारलाई राहतस्वरुप खाधान्न सामग्री सहयोग

बिष्णु यादब,गौशाला महोत्तरी
गत हप्ता नुहाउने क्रममा पोखरीमा डुबेर मृत्यु भएको ५३ बर्षिय उपेन्द्र बैठाको परिबारलाई महोत्तरीको सोनमा ७ सुन्दरपुरमा रहेको सुन्दरपुर समाज सेवा टिमले करीब १५ हजार बराबरको राहतस्वरुप खाधान्न सामग्री बितरण गरेको छ ।
सेवा टिमले मृतक बैठाको परिबारको सहयोग स्वरुप ५० किलो चाबल,२० किलो आलु,१० किलो प्याज,५ लिटर खानेतेल र ५ किलो दालका साथै ५ हजार नगद सहयोग गरेको सेवा टिमका सुरेन्द्र यादबले जानकारी दिनुभयो ।
आफन्तको मलामीबाट फर्केर स्थानिय जनता माबिको पोखरीमा नुहाउने क्रममा मृतक बैठा बेपत्ता भएको थियो । स्थानियहरुले १७ घण्टापश्चात बैठाको शब फेला पारेका थिए ।
बजार बजार गएर ताला टर्च मर्मत गरी परिबारको खर्च धान्दै आएका मृतक बैठाको आर्थिक अबस्था एकदम कमजोर रहेको स्थानिय रामस्नेही यादबले बताए ।