हराएका बालकको शव पोखरीमा भेटियो

१० साउन, जलेश्वर। महोत्तरी सदरमुकाम जलेश्वरबाट हराएका एक बालकको शव पोखरीमा डुबेको अवस्थामा भेटिएको छ ।
जलेश्वर नगरपालिका-४ सुँगा बस्ने लक्ष्मी महतोका ४ वर्षीय छोरा आयुष घरदेखि ५ सय मिटर पूर्वरहेको पोखरीमा डुबेको अवस्थामा फेला परेको प्रहरीले जनाएको छ ।
आइतबार साँझ ५ बजेदेखि हराएका बालक पोखरीमा डुबेको अवस्थामा भेटिएपछि उपचारका लागि जलेश्वर अस्पताल लगिए पनि चिकित्सकले मृत घोषणा गरेको महोत्तरीका प्रहरी प्रवक्ता एव डीएसपी प्रकाश बिष्टले जानकारी दिए ।
मृतकको शव पोष्टमार्टम गरी परिवारजनको जिम्मा लगाइएको र घटना सम्बन्धमा थप अनुसन्धान भइरहेको प्रहरीले जनाएको छ ।
अनलाइन टडकम