माेटरसाइकल ठोक्किँदा दुईजनाको ज्यान गयो

प्रतीक्षा खबर
सर्लाही, साउन १८ गते
पूर्व पश्चिम राजमार्ग अन्तर्गत सर्लाहीको लालबन्दीमा दुई वटा मोटरसाइकल एक आपसमा ठोक्किँदा दुई जनाको ज्यान गएको छ ।
दुर्घटनामा प्रदेश २–०३–००३ प ६६८९ नम्बरको मोटरसाइकल चालक लालबन्दी–५ बस्ने ५० वर्षीय व्रह्मदेव चौधरी र ज. १ म. २३३ नम्बरको मोटरसाइकल चालक रौतहटको ईशनाथ नगरपालिका ७ बस्ने ५५ वर्षीय नन्द किशोर साहको मृत्यु भएको सर्लाहीका प्रहरी प्रवक्ता मदन कुँवरले जानकारी दिए ।
शनिबार राति दुबै मोटरसाइकल आपसमा ठोक्किदा दुबैजना मोटरासाइकल चालक गम्भीर घाइते भएका थिए । उनीहरुलाई अस्पताल लैजाँदै गर्दा बाटोमै मृत्यु भएको प्रहरीले जनाएको छ । दुर्घटनामा ज. १ म. २३३ नम्बरको मोटरसाइकलमा पछाडि सवार श्याम साह घाइते भएको र उनको उपचार धनुषाको सखुवा महेन्द्रगनरको एक क्लिनिकमा भइरहेको जनाइएको छ ।टुडेपाटी