काठमाडौँ । मधेसवादी दलले गठन गरेको संघीय लोकतान्त्रिक मोर्चाले फागुन २१ गते हुने भनिएको चुनावमा तालमेल गर्ने भएको छ ।
प्रतिनिधिसभा र राष्ट्रिय सभामा पनि मोर्चामा रहेका दलहरूबिच तालमेल हुने मोर्चाको आज बसेको बैठकले निर्णय गरेको हो ।
मोर्चामा उपेन्द्र यादव अध्यक्ष रहेको जनता समाजवादी पार्टी (जसपा) नेपाल, महन्थ ठाकुर नेतृत्वको लोकतान्त्रिक समाजवादी पार्टी (लोसपा) नेपाल, सीके राउत अध्यक्ष रहेको जनमत पार्टी, रेशम चौधरीले हालै गठन गरेको नागरिक उन्मुक्ति पार्टी, राजेन्द्र महतो नेतृत्वको राष्ट्रिय मुक्ति पार्टी नेपाल, हृदयेश त्रिपाठी नेतृत्वको जनता प्रगतिशील पार्टी तथा वृषेशचन्द्र लाल नेतृत्वको तमलोपा रहेका छन् ।
