रुपन्देही , चैत २८। जनता समाजवादी पाटी (जसपा) नेपाल लुम्बिनीले तत्काल पालिका, जिल्ला र प्रदेश तहको अधिवेशन गर्ने निर्णय गरेको छ ।
प्रदेश कार्यकारिणी समितिको बैठकले यसका लागि विभिन्न जिम्मेवारी तोक्ने निर्णय गरेको छ । पार्टीको प्रदेश कार्यवाहक अध्यक्ष राम अवतार यादवको अध्यक्षता तथा केन्द्रीय महासचिव एवं लुम्बिनी प्रदेश इन्चार्ज रामकुमार शर्माको प्रमुख आतिथ्यतामा बुधवार रुपन्देहीको भैरहवामा सम्पन्न बैठकले विभिन्न निर्णय गरेको हो ।
बैठकले बाँकी रहेका केही वडा, पालिका, जिल्ला र प्रदेशस्तरका भातृ संगठनहरुको अधिवेशन २०८२ वैशाख १५ गतेसम्म गरिसक्नुपर्ने निर्णय गरेको जसपा नेपाल लुम्बिनी प्रदेश मुख्य सचिव राजनबहादुर रानामगरले बताए । उनका अनुसार उक्त समयमा पनि अधिवेशन नगर्ने समितिहरू स्वतः विघटन हुनेछ ।
बैठकले राजन बहादुर राना मगरको संयोजकत्वमा तयार गरिएको पार्टीको स्थानीय तह निर्देशिका २०८१ संशोधन तथा सल्लाह–सुझावसहित पारित गरेको छ । बैठकले पार्टीको स्थानीय तह अधिवेशन सम्पन्न गराउन विभिन्न जिल्लामा निर्वाचन अधिकृत ९संयोजक० र सदस्यहरू तोकेको छ ।
जसअन्तर्गत पश्चिम नवलपरासीको निर्वाचन संयोजकमा वीरेन्द्र पटेल, सदस्यमा भिखु यादव र राजेन्द्र पटेल, रुपन्देहीको संयोजकमा रामनेवास चौधरी, कपिलवस्तुको संयोजकमा अफाक अहमद खान, बाँकेको संयोजकमा मो। महेमुद ईद्रिसी, सदस्यमा खुस्बु श्रीवास्तव र मेघनाथ वर्मा, दाङको संयोजकमा जयराम यादव, सदस्यमा राजकुमार यादव, बर्दियाको संयोजकमा पतिराम यादव, सदस्यमा रामगोपाल ठटेर र सुशिल चौरसिया रहेका छन् ।
त्यस्तै प्रदेशस्तरीय अधिवेशन भव्य रुपमा सम्पन्न गर्न जसपा नेपाल लुम्बिनी प्रदेश कोषाध्यक्ष विद्याप्रसाद यादवको संयोजकत्वमा ७ सदस्यीय आर्थिक समिति गठन गरिएको छ । समितिको सदस्यमा राजन बहादुर राना मगर, शिवपुजन यादव, घुरहु यादव, चन्द्रधामा हरिजन, गौतम यादव र शिव कुमार चौधरी रहेका छन् ।
त्यस्तै राम अवतार यादवको संयोजकत्वमा तीन सदस्यीय राजनैतिक प्रतिवेदन समिति गठन गरिएको छ । जसको सदस्यमा राजन बहादुर राना मगर र शिव कुमार चौधरी रहेका छन् । त्यसैगरी राजन बहादुर राना मगरको संयोजकत्वमा तीन सदस्य सांगठनिक प्रतिवेदन समिति गठन गरिएको छ । समितिको सदस्यमा शिवपुजन यादव र शुशिला पौडेल रहेका छन् ।
