काठमाडौँ । काठमाडौँ महानगरपालिकाले कलंकीस्थित भाटभटेनी सुपरमार्केटको संरचनामा डोजर चलाएको छ । नदी किनारा अतिक्रमण गरी भौतिक संरचना बनाएको भन्दै महानगरले शुक्रबार डोजर प्रयोग गरी केही संरचना भत्काएको हो ।
यसअघि नै सो संरचना हटाउन सूचना जारी गर्दा भाटभटेनीले आफैँ हटाउने भनेपनि अहिलेसम्म नहटाएपछि महानगरले खोला किनारा खोज्ने काम गरेको मेयर बालेन शाहका स्वकीय सचिव भूपदेव शाहले जानकारी दिए। भाटभटेनीले कब्जा गरेको खोला किनार खुला गरी करिडोर सडक बनाउने तयारी रहेको शाहले बताए ।
यसैबीच भाटभटेनीका सञ्चालक गुरुङले पूर्वाग्रही ढंगले भने महानगरपालिकाले भाटभटेनीको संरचनामा डोजर चलाएको आरोप लगाएका छन् । उनले भने, ‘पुरानो मापदण्डअनुसार हैन, नयाँ मापदण्ड नै बनाएर सडक विस्तार गरियोस् । म आधा भाटभटेनी पनि छाडिदिन तयार छु । तर अहिले पूर्वाग्रहपूर्ण हिसाबले डोजर लगाउने काम भएको छ
