गोपाल झा
महोत्तरी ,अषाढ २० गते
महोत्तरीमा घुस रकम सहित स्थानिय तहका लेखापाल र कार्यालय सहयोगी पक्राउ परेका छन् ।
महोत्तरीको सम्सी गाउँपलिकाका लेखापाल र कार्यालय सहयोगी १ लाख २५ हजार घुससहित रंगेहात पक्राउ परेका छन् । बुधबार दिउँसो अख्तियार दुरुपयोग अनुसन्धान आयोगको कार्यालय बर्दिवासले दुबैजनालाई रंगेहात पक्राउ गरेको हो ।
लेखापाल रोशन कुमार राउत र कार्यालय सहयोगी घरिन यादवलाई १ लाख २५ हजार घुससहित रंगेहात नियन्त्रणमा लिइएको अख्तियार दुरुपयोग अनुसन्धान कार्यालय बर्दिवासले जनाएको छ ।
सम्सी गाउँपालिकाको वडा नं. ५ मा संचालन भएको कोभिड-१९ सम्बन्धी जनचेतनामूलक कार्यक्रम सम्पन्न पश्चात उक्त कार्यक्रमको भुक्तानी दिने प्रयोजनार्थ सेवाग्राहीसँग घुस/रिसवत माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय,बर्दिवासबाट खटिई गएको टोलीले निज लेखापाल राउत र कार्यालय सहयोगी यादव लाई १ लाख २५ हजार घुस सहित रंगेहात पक्राउ गरेको हो ।
उक्त घटनाबारे थप अनुसन्धान भइरहेको अख्तियार दुरुपयोग अनुसन्धान आयोगले जनाएको छ ।
