गोपाल झा
महात्तरी , मंसिर ४ गते
महोत्तरीमा प्रतिनिधीसभा र प्रदेश सभा सदस्यकालागी भएको मतदान बाट आइतबार बिहान ७ बजेदेखि साँझ ५ बजेसम्म ६१ प्रतिशत मत खसेको छ । महोत्तरीका मुख्य निर्वाचन कार्यालय महोत्तरीका अनुसार जिल्लाको चारवटै निर्वाचन क्षेत्र मिलाएर ६१ प्रतिशतसम्म मतदान भएको जानकारी गराए ।
‘जिल्लाभरिमा शान्तिपूणर् र व्यवस्थित रूपमा मतदान भएको छ,’ मुख्य निर्वाचन अधिकृत हेमबहादुर सेनले भने, ‘हामीले सुरक्षा व्यवस्था कडा पारेका थियौ ।’ मतपेटिका ढुवानीका लागि आवश्यकताअनुसारका सवारीसाधन तयार राखिएकाले अब केहीबेरपछि ढुवानी गरिने भएको छ ।’
जिल्लाको २५८ मतदान स्थलका ४९९ मतदान केन्द्र मार्फत बिहान ७ बजेदेखि शान्तिपूणर् रुपमा मतदान भएको थियो । तिन लाख ९७ हजार ३० मतदाताले महोत्तरीका विभिन्न २५८ मतदान स्थल र ४९९ मतदान केन्द्रबाट प्रत्यक्ष तर्फ चार प्रतिनिधिसभा सदस्य र ८ प्रदेशसभा सदस्य तथा समानुपातिक सदस्य समेतकालागी मतदान गरको छ । महोत्तरीमा १ सामान्य, ११४ संवेदनशिल तथा १४३ अतिसंवेदनशिल मतदानस्थल रहेको छ ।
