औरही, महोत्तरी
औरही नगरपालिकाले विद्यालय जाने छात्राहरूलाई प्रोत्साहन गर्ने उद्देश्यका साथ आज एक कार्यक्रमका बीच साइकल वितरण गरेको छ। नगरपालिकाको वडा नं. ६ बैरियास्थित श्री माध्यमिक विद्यालयमा आयोजित विशेष कार्यक्रममा छात्राहरूलाई साइकल प्रदान गरिएको हो।
oplus_0
साइकल वितरण कार्यक्रममा श्री माध्यमिक विद्यालय, बैरियाका कक्षा ८ मा अध्ययनरत ३५ जना र राष्ट्रिय आधारभूत विद्यालय, कठुधारका कक्षा ८ मा अध्ययनरत ५ जना गरी जम्मा ४० जना छात्राहरूलाई साइकल वितरण गरिएको छ।
oplus_0
औरही नगरपालिकाका नगर प्रमुख प्रदिप खड्का र उपप्रमुख रेणु देवी झाको विशेष उपस्थिति एवं सक्रियतामा उक्त कार्यक्रम सम्पन्न भएको हो। छात्राहरूलाई विद्यालय आवतजावतमा सहज होस् र उनीहरूको शिक्षामा पहुँच पुगोस् भन्ने उद्देश्यले नगरपालिकाले यो कार्यक्रम ल्याएको नगर प्रमुख खड्काले बताउनुभयो।
oplus_0
उक्त कार्यक्रममा नगरपालिकाका शिक्षा शाखा प्रमुख धन बहादुर राई, वडा नं. ६ का वडा अध्यक्ष विनोद चौधरी, श्री माध्यमिक विद्यालयका प्रधानाध्यापक शत्रुधन प्रसाद यादव, राष्ट्रिय आधारभूत विद्यालय कठुधारका प्रधानाध्यापक उद्रनारायण यादव, तथा जसपा नेपालका केन्द्रीय सदस्य ज्ञानेन्द्र झा ‘ज्ञानु’ लगायतको उपस्थिति रहेको थियो।
कार्यक्रममा स्थानीय भद्रभलाद्मी, शिक्षक, शिक्षिका तथा विद्यार्थीहरूको ठूलो संख्यामा सहभागिता रहेको थियो। साइकल पाएपछि छात्रा तथा उनीहरूका अभिभावकहरू निकै हर्षित भएका छन्।
oplus_0
oplus_0
oplus_0
oplus_0
