महाेत्तरी क्षेत्र नं४ बाट निर्वाचित गौरी यादव बनिन् उद्योगमन्त्री

प्रतिक्षा खबर २०८२ चैत्र २७, शुक्रबार १६:२८

प्रधानमन्त्री वालेन्द्र (बालेन) शाहले मन्त्रिपरिषद विस्तार गर्दै गौरीकुमारी यादवलाई उद्योग, वाणिज्य तथा आपूर्ति मन्त्री र रामजी यादवलाई श्रममन्त्री नियुक्त गरेका छन्।

यो स्टोरीमा हामी नवनियुक्त उद्योगमन्त्री गौरी यादव को हुन् भन्नेबारे चर्चा गर्दैछौं।

गौरी यादव फागुन २१ को प्रतिनिधिसभा चुनावमा महोत्तरी–४ बाट ३० हजार भोट ल्याएर निर्वाचित भएकी हुन्। उनी राष्ट्रिय स्वतन्त्र पार्टी (रास्वपा) बाट चुनाव उठेकी थिइन्।

गौरीकी आमा उनलाई डाक्टर बनाउन चाहन्थिन्। आमाले देखेको सपना गौरीले पूरा गर्न सकिनन्। तर डाक्टरी पढ्ने नीति निर्माणको तहमा उनी आइपुगेकी छन्।

उनले सानैदेखि भारतको सीतामढी बसेर पढिन्। उनको गाउँमा माध्यमिक विद्यालय थिएन। जनकपुर पनि जान सकिन्थ्यो, तर उनीहरूका लागि जनकपुरभन्दा सीमा जोडिएको सीतामढी नै सहज भयो।

सीतामढीमै आइएससी पढेर सकेपछि गौरीको बिहेको कुरा चल्यो।

बिहेको कुरा अघि बढाउँदा उनकी आमाको एउटै सर्त थियो — जसले मेरी छोरीलाई डाक्टरी पढाउँछ, उसैसँग बिहे गरिदिने!

महोत्तरीकै अर्को गाउँका शिवजी यादवले यो शर्त पूरा गर्ने वाचा गरे।

त्यो बेला शिवजी रूसमा पढिरहेका थिए। उतै व्यवसाय पनि गर्थे।

सर्त स्वीकार गरेपछि शिवजीसँग गौरीको बिहे भयो।

सर्त अनुसार गौरीले डाक्टरी पढ्न त थालिन्, तर पढाइ पूरा गर्न सकिनन्।

‘घरपरिवारको जिम्मेवारीले पढाइ पूरा गर्ने अवस्थै भएन,’ ५४ वर्षीया गौरीले चुनाव जितेपछि भनेकी थिइन्, ‘आफूले पढ्न नसके पनि मैले बहिनीलाई एमबिबिएस पढाएँ।’

अहिले गौरीकी कान्छी छोरी पनि एमडी पढ्दै छिन्। आमाले आफ्नो लागि देखेको सपना बहिनी र कान्छी छोरीमार्फत् पूरा भइरहेकोमा गौरी खुसी मान्छिन्।

आमाको सपना पूरा गर्न नसके पनि गौरी आज यस्तो ठाउँमा आइपुगेकी छन्, जसको सपना कसैले देखेका थिएनन्। उनी स्वयंले पनि यो सपना देखेकी थिइनन्।

सांसद बन्ने सपना नदेखे पनि राजनीतिक वातावरण उनको लागि नयाँ भने होइन।

उनका ससुरा प्रधानपञ्च थिए। रूसबाट फर्केपछि उनका श्रीमान पनि राजनीतिमा लागेर मधेसवादी दल जनता समाजवादी पार्टी (जसपा) का नेता भए।

श्रीमान जसपाबाटै चुनाव उठेका बेला गौरी पनि भोट माग्न घरदैलो जान्थिन्। त्यसले राजनीतिक अनुभव हासिल हुनुका साथै राजनीतिमा लाग्ने आकांक्षा जागेको उनी बताउँछिन्।

‘मलाई जसपाबाटै समानुपातिकमा बस भन्ने कुरा आएको थियो। तर खोई किन हो, त्यो पार्टीमा मलाई रूचि नै लागेन,’ उनले भनेकी थिइन्, ‘बरू गृहिणी भएरै बस्न मन भयो।’

गृहिणी भएर बसे पनि राजनीतिक आकांक्षा हराएन। उनी ५४ वर्ष उमेरमा रास्वपामा आबद्ध भइन्।

जसपाका नेता विजयकुमारले त्यागे पार्टी

विज्ञापन रोक्ने निर्णय तत्काल फिर्ता लिन जसपा नेपालको माग

सीमामा सास्तीबारे सांसद झाको चासोः ‘सर्वसाधारणका लागि व्यवहारिक नीति आवश्यक

गृहमन्त्री सुधन गुरुङले दिए राजीनामा

प्रहरीको गाडीले ठक्कर दिँदा एक बालक गम्भीर घाइते

एक हप्ताभित्र इन्धनको मूल्यवृद्धि फिर्ता नभए आन्दोलन हुन्छ : दुर्गा प्रसाईं

लेखा समितिको सभापतिमा एमाले र नेकपाले कांग्रेसलाई सघाउने

लेखा समितिको सभापति कांग्रेसलाई दिने रास्वपाको निर्णय

डिजेल र मट्टीतेलको मूल्य ३० रुपैयाँले बढ्यो, पेट्रोलको यथावत

महाेत्तरी क्षेत्र नं४ बाट निर्वाचित गौरी यादव बनिन् उद्योगमन्त्री

तपाईको प्रतिक्रिया !

ताजा खबर

जसपाका नेता विजयकुमारले त्यागे पार्टी

विज्ञापन रोक्ने निर्णय तत्काल फिर्ता लिन जसपा नेपालको माग

सीमामा सास्तीबारे सांसद झाको चासोः ‘सर्वसाधारणका लागि व्यवहारिक नीति आवश्यक

गृहमन्त्री सुधन गुरुङले दिए राजीनामा

प्रहरीको गाडीले ठक्कर दिँदा एक बालक गम्भीर घाइते

सम्बन्धित खबर

वर्तमान निर्वाचन प्रणाली मुलुकको लागी घातक अध्यक्ष यादव

जीवन सफल नभई मुल्यवान हुनुपर्ने : प्रदेश सांसद यादव

मधेश प्रदेशमा स्वतन्त्र जितेका कुशवाहा माओवादी केन्द्र प्रवेश

आईपीएल को मेगा अक्सनका लागि नेपालबाट कुल १५ खेलाडीले नाम दर्ता

भारतले भन्यो– चुनाव सम्पन्न भएकोमा नेपाललाई बधाई

मधेशको सरकारी कामकाजी भाषासम्बन्धी विधेयकको विरोधमा प्रदेशसभा अगाडि प्रदर्शन

कति वर्षको मानिसले कति घन्टा सुत्नु पर्छ ?